AFTER (بالمصري)

Chapter 11

وبعد ما فوقت من الاغماء الي كنت فيه، فتحت عيني لقيت نوال في وشي.. ابن الجزمه.. كل ما اشوف وشه اتأكد اني هفضل نحس بقيه حياتي..

 

" هو انتي اتخضيتي لما شوفتيه ليه.. ده قمور"

قالي.. روحت فكرني ابن الكلب..

 

" لقيت امي يا نوال؟"

 

" لأ لسه، امك تايهه في العروض ومش لاقينها.."

قومت وانا دايخه من علي الكرسي ودلقت كوبايه الميه الي في ايدي علي نوال لأنه بيحب الميه..

 

فجأه خبطت في امي وكانت شايله شنط كتير.. لقيت نفسي بحضنها..

 

" امميييي.. كنتي فين بقالي سنه بدور عليكي"

قولتلها وردت عليا..

 

" معلش انا قولتلك اني في المحل ده وانا دخلت الي جمبه.. خليتك تدوري"

كنت عايزه احضنها واعيط واقولها انا قابلت مين.. بس حاولت اتمالك نفسي.. نوال ابن التيت مخلانيش اتصور مع لوك.. انا كنت بحلم.. ههههه كان مستحيل اقابله اكيد كنت بحلم.. ههههه

 

وبعد كده اخدني امي للكوافير كنت محتاجه اكوي واعمل باديكير ومانيكير وكده يعني..

 

المهم الكوافيره كانت رخمه..

 

" يعني انتي عايزه شعرك متدرج ولا حته واحده.. وارفعه علي فوق.. مممم.. لأ شكلك هيبقي وحش.."

قعدت تبص علي شعري وترفعه وتنزله وتطلعه.. الموضوع ده مقرف.. انا زهقت..

 

" وانتي مال اهلك، قولتلك اعمليهولي احمر زي فتي احلامي.. ومتتحشريش فالي ملكيش فيه.."

قولتلها وانا بأفأف وبحط رجل علي رجل وامي ونوال قاعدين بيقرو مجلات وبياكلو لب ولا هوانم جاردن سيتي..

 

المهم الوليه قعدت تقصقص لحد ما فجأه سابت المشط شابك في شعري وجريت.. جريت ليه وعلي فين مش عرفه..

 

حاولت اشيل المشط من شعري وكان شابك والمكوه خلت شعري يطلع دخان كتير.. زعقت..