فضلت واقفه قدام باب العماره عشر دقايق استنيت سي هاني يروح السوبر ماركت الي علي اول الشارع يشتري حاجه يخش بيها كده عشان منبقاش جايين وايدينا فاضيه.
وقفت أتفرج علي المنطقه، حلوه عمارات ارض اللواء الصبح اكتر من بليل عشان اخر مره جيت علي ملي وشي هنا عشان هاني ابن المجنونه كان خاربها علي دماغتهم.
المهم شويه لقيت البواب طالع يفرش قدام العماره وبيدلق ميه، قومت متصله بهاني الي ماشي علي مهله ده..
"ايه ياهاني انت فين بقالي ربع ساعه ملطوعه هنا؟!"
"انا جي اهو خليكي زي مانتي انا قدامك" قالي وبصيت اني الاقيه..
"مش شيفاك!"
قولتله لقيت توكتوك بيقف قدام العماره وهاني بينزل منه وهو شايل طبق بسبوسه وحاجه ساقعه وجالي..
"شوفتي جيت بسرعه ازاي؟"
"ربع ساعه.. بس يلا مفيش مشكله يلا طلعني"
قولتله ودخلنا العماره وداس علي زورار الاسنسير واستنيناه ينزل ولقينا تلت رجاله بشنب وجلاليب طالعين منه شبه هاني بس هاني مسلمش عليهم.
بعد ماركبنا الاسنسير قولتله..
"مش دول اصحابك ياهاني؟"
"لأ دول جيرانا من البلد بس منعرفهمش اوي"
"شبهك"
"لأ مش شبهي انا احلي" قال وضحكت..
"جبت القناعه دي منين يالا؟"
"بالوراثه ياختي هتشوفي!"
"عشان انا طالعه اشوف اهلك يعني؟" قولتله ومردش عليا عشان وصلنا، طلعنا من الاسنسير وجيت لسه هدوس علي الجرس لقيته بيوقفني.
"انتي بتعملي ايه؟"
"ايه؟ هرن الجرس مش هي دي الشقه؟"
"لأ انا مش برن الجرس انا.. هاني ابن عم عبغفور في بيت ابوه مبيرنش الجرس"
قالي واداني كتف ووقف قدام الباب شويه وقام زق الباب برجله وكسره والباب وقع علي الارض.
"احيه!! ايه ياهاني انت داخل غرزه؟" قولتله وبصلي بصه فخر كده قومت موقفاه..
"انت كسرته ازاي اصلاً ده تقيل جداً؟"
"اعوذ بالله من عينك ياشيخه خشي خشي" قالي ودخل ودخلني وراه علي طول من جمب الباب الي علي الارض كده.
"السلامو عليكو يابشر" زعق فالصاله الي كانت فاضيه والنور مطفي.. حسيت كده احساس ان دي مش الشقه لأن عزومه وطافيين النور.. ومش فاكره ان دي كانت شقتهم. انا احساسي مبيخبش واول مره افتكر حاجه في حياتي.
"ياتيسيير.. هاني.. تييسرر"سمعت صوت حد بينادي علينا من بره الشقه، بصيت من الباب لقيت الحج عبغفور واقف عند باب الشقه التانيه الي قدامنا.. احيه!
CZYTASZ
AFTER (بالمصري)
Romansتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
