سابت البت هاني وبصت عليا من فوق لتحت وانا من كتر الصدمه مش عرفه امشي..
" في حاجه يا اوستاذه؟"
قالتهالي بقرف.. وفجأه لقيت هاني بيزقها وبتقع علي الارض وبيعدل قعدته..
" فكره برضه لما فتحتي عليا باب الحمام وكنت بعمل بيبي، قولتلي امشي ومرضتيش.. انتي ليه لزقه؟"
قالهالي وهو حاطط ايده علي وشه وشايط مني.. ولسه مخي بيحاول يتصل بصوابع رجلي عشان تشجع كعب رجلي انه يقول لمشط رجلي يلا نمشي بقي.. اوووف..
" طب فاكره ده.."
طلع ساطور من جمبه.. هار اثود..
" اسفه انا دخلت هنا غلط.. كنت بدور علي الحمام عشان انشف نفسي.. حد دلق عليا الكوكتيل.."
وضحتله سبب وجودي بسرعه.. محدفش الساطور الحمد لله..
" طب ممكن تغوري تدوري عليه وتسيبي ام الاوضه الي ملحقتش اتهني بيها خمس دقايق.."
قالي وهو بيشيل الساطور جمبه..
" خمس دقايق ايه.. دانتا شغال الله ينور"
وقعدت اطلعله لساني وأطقطق صوابعي..
" امشي يابت.."
قالي وهو بيطلع الساطور تاني.. وانا جريت تلقائي وقفلت الباب واتسندت عليه..
انا من ساعه ما جيت الجامعه دي وانا حاسه اني في مسلسل اباحي.. كله لايص في كله.. معدل الناس الي بتتخرج من الجامعه حامل كتير اوي.. ربنا يستر واطلع لوحدي مش انا وعيل..
فكتني من موضوع الحمام ودورت علي مطبخ.. ونفسي ملاقيش اتنين تانين لايصين في بعض لحسن الواحد مش ناقص صده نفس زي الي حصل فوق.. اوووف..
رحت المطبخ ولقيته زحمه اكتر من محطه الشهداء.. حاولت ادخل بقوه الدفع لحد ما وصلت للحوض وجيت لسه هبل المنديل لقيت واحده بترجع فيه..
" ايه الارف ده.."
قولتها وانا بزقها وبرمي المنديل.. غسلت ايدي بسرعه وجبت منديل تاني وحاولت امسح الفستان لكن ده اتبهدل اكتر.. روحت راميه المنديل ولعنت سلسفيل ابو الي جابو الواد ابن الصرمه الي دلق عليا الكوكتيل..
أنت تقرأ
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
