والحمد لله، الموضوع عدي علي خير والواد بتاع الكوره سامحني عالكوره الي اتحدفت فالبحر وجبتله واحده تانيه، ولقيت نوال قاعد تحت الشجره وساكت..
"تصدق انك عيل"
قولتله وانا بقعد جمبه..
"سبتني ودي اول مره احتاجلك فيها بجد.. طلعت واطشي"
قولت تاني وانا بحاول معيطش، انا مش هبله.. أحم..
"خلاص ياتيسوره الامور عدت علي خير واهم رجعو يلعبو كوره.. المهم اخبارك ايه"
"زفت."
"وانا كمان، طب نعمل ايه"
قالي وروحت قايمه..
"مش هنقعد في الجونينه العامه اكيد يعني، يلا بينا نرجع عالجامعه يخربيت الي عايز يخرج معاك يا أخي"
"خلاص اتيسوره اسبقيني عالعربيه هشتري حلبسه.. تاخدي معايا؟"
"حلبسه، أللهي يحلبسوك في كوبايه ويشربوك للناس واخلص منك يا أخي"
دعيت عليه وانا رايحه للعربيه الي بقت سخنه مولعه من الشمس.. الجو بقي خرا اوي في مصر ليه، ما كان حلو ومتلج فالشتا ايه الي حصل..
روحت فتحتها وقعدت استنيت سي الاوستاذ وكنت هسيح من الحر، مين الي نسي مصر فالفرن..
المهم جه ومعاه كوبايتين الحلبسه واداني واحده وركب العربيه..
"تحبي تاكلي فين؟"
"فين؟ انا لو مروحتش الجامعه دلوقتي هسيح يانوال هسيح"
قولتله وانا بشرب، وبعدين شرب حبه وقالي..
"خلاص نطلب دليفري"
"طيب، هتجيبلي منين يا ناو ناو"
قولتله وانا بأربع الكوبايه وبرميها، قالي..
"الكبابجي الي هناك ده ريحته ملعلعه فالمنطشقه، اجيبلك ايه من عنده؟"
"هاتلنا كيلو كفته علي فرختين تلاته كده ومتنساش السلطات"
قولتله وراح فتح التليفون واتصل بيهم وطلب واحنا رجعنا عالجامعه..
ولما وصلنا وقعدنا شويه والاكل وصل انا خلصت تلت تربع الاكل اكني بقالي سنه مكلتش، ومليقتش حاجه أحلي بيها فقعدت مكتئبه..
وبعدين سمعت تليفوني بيرن علي المكتب هناك مقدرتش اقوم اجيبه فخليت نوال يروح يجيبه..
"لبان مين؟"
قالي بفضول روحت قايله..
"وانت مالك؟"
قولت واخدت التليفون ورديت، لبان ليه بيتصل فالوقت ده؟ الساعه تسعه انا قايلاله اني بدأت انام من تسعه ونص..
"تيسييييييييرررررر!!!"
سمعت لبان بيقولي بصوت عالي فاتخضيت وقولت بسرعه..
"ايه؟ خير؟ في ايه؟ انت كويس؟"
قولت وبعدين قالي..
"مش عارف مش عارف، هو نوال معاكي بس.."
"انطق يابن الجزمه وقعت قلبي"
قولتله ونطق..
"مش انا المشكله ده هاني.. هااااني"
قال ولقيت نفسي بتخض وبقول..
"ه..هاني؟"
"ايوه، هديكي عنوان ولازم تيجي عليه فوراً"
قولت وتوقعت ان ممكن يكون جراله حاجه، سمعت حاجه في بتتكسر جامد عند لبان روحت مصوته..
"لباااااننن هو هاني بيعمل ايه؟ هيقتلك ولا ايييه؟"
قولت وقالي..
"لأ..لأ"
قالي وسمعت حاجه بتتكسر تاني، قومت اتنفضت من مكاني..
"ابعتلي العنوان بسرعه ياحيوان"
قولتله وقفل وانا كنت قلقانه فشخ، قولت لنوال..
"هات عربيتك"
"لأ."
"نوااااللل!!"
قولتله وانا بسحب سكينه من طبق الاكل وبقوله..
"هاني هيقتل لبان لو مديتنيش ام العربيه دلوقتي"
"مانتي مبتعرفيش تسوقي انا مش بايع عربيتي"
"نواااال!!"
قولتله بنظره شريره وراح راميلي مفاتيح العربيه واخدتهم ولبست ونزلت بسرعه ألحق الواد هاني قبل ما يتهور ولا يطلع الساطور ولا اي حاجه..
يتبع..
الشابتر قصير عشان التكمله بعد شويه..
رأيكم فالشابتر؟
YOU ARE READING
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
