بعد ما امي جت امبارح فضحتني قدام هاني وغلطت فيه وفيا وفي قراراتي طردت هاني من الاوضه عشان انا صدعت منه ومن امي وفتحت الاكل واكلت اخيراً عشان انا استاهل.. انا اتخانقت خناقتين قبل ما اتغدي غيري كان ممكن يعض الي قدامه.
ونمت وحلمت حلم جميل عن زمان ومكان انا وهاني فيه متجوزين وعايشين في بيت واحد بس لسه بدري اوي عشان هاني مقفل من ناحيه الموضوع ده معرفش ليه، هل عشان احنا لسه صغيرين؟
ويوم الاحد بدأ بصوت المنبه المزعج بتاعي ورن متأخر كمان فقومت اتنفضت وعملت كل حاجه علي ملي وشي عشان الحق اروح دار النشر، اخدت حمام ولبست.. احيه نسيت احط الميك اب حطيت اي حاجه بسرعه كده وشغلت المكواه عشان شعري كمان جزء من الحكايه.
الباب خبط "سلامو عليكو ورحمه الله وبركاته" سمعت صوت هاني داخل وشافني لابسه وجاهزه "ايه الي مصحيك الساعه سته ونص؟"
"ايه الي مصحيكي انتي الساعه سته ونص؟ انا كنت بأكل الحصان" قالي وغير الموضوع "انتي شغلك مش هيبدأ الا علي تسعه انتي صاحيه بدري كده ليه؟"
"عشان متوتره ياهاني متوتره" قولتله وكنت هحرق شعري ولسعت ايدي "اعععع"
"هدي اعصابك"
"مش هعرف.. المفروض اعمل شعري وانزل اجيب قهوه واسوق لحد هناك والمشوار هياخد ساعه لوحده.. يدوبك يعني"
YOU ARE READING
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
