"تمام كده يا استاذنا، العقد هيتكتب بأسم مين فيكو؟" الراجل الي هيبيعلنا الشقه سألني، الا وهو انا مالي..
"اسمنا احنا الاتنين ان شاء الله يامعلم.." هاني قاله وحسيت ايه ده ده عاملي حساب كمان في العقد، وفضل يمضي علي ورق العقد واداني الورق بعد ما خلص..
اخدت القلم منه وقعدت امضي واعمل زحلايق مختلفه بعد اسمي وبعدين وقفت للحظه، هل الي انا بعمله ده هندم عليه؟ الاجابه ايوه طبعاً بس مش وقته دلوقتي.
"الف مبروك" الراجل قال وهو بيدي هاني المفاتيح وبياخد الورق معاه، الراجل الي غالباً ما صدق باع الشقه.. بس انا مبسوطه بيها.. هو ده بيت احلامي.
"نورتي بيتك ياتيسير" هاني قالي لما الراجل مشي، ضحكت ولفيت وقعدت افتح في بيبان وشبابيك واستكشف مكنتش هعرف اعمل كده والراجل بيحاول يوريني الزاويه دي قبلي ولا بحري ومدهونه بطبقه لاكيه اسطوري من العصر الذهبي..
"مش مصدقه اننا هنعيش هنا انا وانت ياض ياهاني، مين كان يصدق؟"
"لو حد كان قالي انك هتبقي مراتي المستقبليه اول مره شوفتك فيها يابت انا كنت رفعت الساطور عليهم"
"قلبك طيب ياهاني" قولت وبعدين كملت "بس البيت مريح، احسن من السكن الجامعي.. ولا حفلات ولا حمامات جماعيه ولا قرف."
KAMU SEDANG MEMBACA
AFTER (بالمصري)
Romansaتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
