"ممكن لو سمحتي طلب صغنن أد كده؟"
قالي نيني وقولتله..
" أتفضل أ نيني"
" ممكن تسلفي صاحبك المفلس ميتين جنيه لأخر الشهر؟"
" أكيد.. بس.."
" بس ايه، يلا بقي وحيات هاني"
" هاني ايه بس؟"
" يلا ياتيسير هاتي الفلوس"
قالي بالعافيه واخدهم بسرعه ومشي، ولسه هروح فصلي قابلت هاني..
"هاااااااي هانييي"
قولتله بصوت عالي، فات كتير اوي عن اخر مره خرجنا فيها، كان قبل رمضان بيوم، يااه لسه الحاجات الحلوه الي جبهالي موجوده مبكلهاش، اكمن فيفي قالتلي اعمل ريجيم العيد عشان بتخن في رمضان، وفي الاخر لقيتها اكلتهم هي..
"هاني؟"
قولتله لما مردش عليها، وبصلي بقرف..
"عايزه ايه؟"
قالي واستغربت، قولت..
" ايه ياهنهن، انت مش بتحبني؟"
"لأ مش بحبك، واهدي بقا ها.."
" هاااااااااااااااني.. لأ انت خاين.. انا كنت هنفصل عن نوال عشانك"
قولتله وبص عليا من فوق لتحت وقالي..
"بصي ياترسير، انا قولتلك والجامعه كلها قالتلك اني بعمل كده عشان نكمل لمتنا قبل رمضان، بعد رمضان لأ"
قالي واتخضيت وقعدت اعيط..
" هاني بس انت قولتلي انك بتحبني!"
" كانت لحظه هبل ياترسير، حاسبي وراكي!!!"
قالي بصوت عالي اتخضيت وخبطت فالحيطه وطلع مفيش حاجه، وضحك عليا ومشي بكل ألاطه..
معقوله هاني رجع شرير ورخم، وبيقولي ياترسير، زي اول السنه، ليه ياهاني انا اتغيرت عشانك، وبقيت ألبس عبايات..
دخلت الاوضه وخبطت ضهري فالباب وقعدت اتزحلق براحه وقعدت اعيط عالأرض، هاني شرير..
" جرا ايه يابت أيه الي مدهولك كده؟"
فجأه اكتشفت ان فيفي موجوده فالمكان، قومت عدلت نفسي ومسحت عيني ورديت..
" انا زي الفل، يمكن بعيط.. لأ انا بحب افرغ الطاقه الي جوايا."
قولتلها بس قعدت تلف حوليا زي المحققين..
" هاني اعترفلك انه بيكرهك؟"
" انتي بتعرفي منين؟"
قولتلها وقعدت تضحك..
" الموضوع باين يعني وكام مليون واحده عدت من تحت ايد هاني ومقلهاش البوقين الحمضانين دول!"
YOU ARE READING
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
