"انتي بتقولي ايه يابت انتي؟!" قالت وهي مصدومه كأنها مسمعتش الي انا قولته..
"ايوه هاني جابلي الشقه دي وكتبها بأسمي انا وهو.." قولتلها وقمت حاطه ايدي علي وسطي كده كانوع من التأثير الدرامي.
"مستحيل تبقي انتي عايشه في شقه زي دي، مش معاكي فلوسها دي" قالت وواضح ان الكلام الي قولته مسمعتهوش قولت اديها ثانيه كده تستوعب.
"تحبي طيب تشوفي العقد الي احنا ماضيين عليه؟ انا معايا نسخه منه"
"الموضوع بتاعك ده ياتيسير طلع اسوأ مما كنت متصوره، انا كنت عارفه انك هبله وانا شايفاكي راحه جايه مع الواد.. الصايع ده، بس انتي متخلفه رسمي لو انتي فاكره انه هيوفي بـالي وعدك بيه، وعايشه في شقته وماضيتي ورقه كمان؟ انتي متعرفيهوش ياتيسير الواد غريب ومتعرفيش الي وراه.. هل قابلتي اهله؟ عرفتيهم؟ عاشرتيهم؟ مش مكسوفه من نفسك الناس تقول ايه؟"
قبل ما تكمل وقفتها "لو سمحتي متغلطيش في هاني قدامي وفي بيته! ده انا اعرفه احسن من اي حد، وهو يعرفني برضه احنا نعرف بعض، وبعدين انا قابلت اهله.. ابوه علي الاقل، وهل انتي تعرفي ابوه ده يبقي مين؟ ده يبقي الحج عبغفور البرعي بشحمه ولحمه! ومين فيكي يابلد ميعرفش مين الراجل ده!"
ESTÁS LEYENDO
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
