بعد ما وافقت ان فيفي تديني تغيير شامل لشكلي معرفش ليه، يارتني ما سمعت كلامها، انا عارفه انها هتخليني شبه الساحره الشريره بعد اللوك ده بس هحاول اتعامل مع شكلي الجديد يعني.. هه..
بعد ما فشخت حواجبي وانا قاعده قلقانه منها، قامت مسكت قلم التحديد وتقلت حواجبي.. هتبقي عفريته ياتيسير علي اخر الزمن.. المهم لسه هلف ابص فالمرايه مسكتني وقالت..
"استني لسه مخلصتش.. بعد ما اخلص هخليكي تبصي فالمرايه.. هتتفاجئي صدقيني"
"قلقانه منك.. بصي متحطيش ميك اب كتير وحيات ابوكي.."
"متخافيش اتيسير صدقيني هتطلعي زي القمر.. المهم ثبتي ام وشك ده بقي عشان اكمل"
قالت وهي بتجيب علبه البودره وبتاخد حبه كتير في ايدها وبتدهن علي وشي، احيه! المهم انا سبتها لما لقتها بتمسح البودره دي وبتكمل المكياج عادي، وبعدين قالت..
"انا خلصت الوش، ابدأ فالشعر بقي"
قالت وهي بتفك التوكه وشعري كان متكهرب وواقف، قعدت تسرحه بالسشوار وترش عليه اسبراي وتحط عليه حاجات كتير كده..
وبعدين عملتلي قصه غريبه كده معرفش شكلها ايه وقالتلي..
"خلصت الشعر، دلوقتي اللبس بقي، انا عندي ليكي شويه حاجات اتيسوره، هتلبسيهم دلوقتي"
قالت وخلتني اقوم وروحنا الدولاب، ولسه هبص في مرايتها لقيتها بتزقني بعيد..
"تيسير انتي بتحاولي تحرقي اللوك بتاعك!! قولتلك استني تلبسي وبعدين ابقي شوفي نفسك!"
قالتلي ورجعت تدور في الدولاب وطلعت فستان اسود كده وبيلمع وقصييير فشششخ.. وبعدين قبل ما اتكلم بصت لتامر الي قاعد بيلعب علي الموبيل..
"تموره.. اطلع بره!!"
قالتله بصوت عالي وبعدين خرج عشان كرامته متتهانش اكتر من كده، وبعدين قولتلها..
"ألفستان ده قصير اوي يافيفي.. مش هينفع البسه"
"قصير؟ طيب استني.. ينفع ده طيب"
قالت وطلعت فستان اسود تاني طويل.. حسيته عبايه بس ده متفصل فستان..
"جربي ده.. ممكن؟"
قالتلي ورمته في وشي بس اخدتو بسرعه عشان المكياج ميتمسحش.. قلعت البيجامه ولبست الفستان، حسيته قصير برضه وبصيت لقيته واصل لحد ركبي، اومال انا ازاي شوفته طويل وهو عالشماعه، انا مهييسه فشخ.. المهم لبسته وطلع حلو عليا وجت فيفي قالتلي..
"واو تحفه عليكي بجد اتيسوره!"
"بجد، انا حاسه اني عريانه.."
"لأ ده بيتهيألك، بصي خدي البسي الجاكيت ده"
قالت وادتني جاكيت صغير كده بتاع الفستان، لبسته.. لما حسيت ان شكلي حلو قالتلي..
YOU ARE READING
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
