انا وهاني واقفين عند السلم متخشبين كأننا لسه ممسوكين اداب بس والله انا كنت مروحه من خناقه مش اكتر.. وبعدين الحمار ده طلع معايا ليه انا بعرف اطلع لوحدي! امي متعرفش اي حاجه عن حياتي واعتقد انها لسه فاكره اني مصاحبه الواد نوال بس هو اتجرح وسابني ومشي، والمشكله انها عارفه ان هاني ده ممثل وبتاع مشاكل كمان ربنا يستر.
"انتي بتعملي ايه ياجاموسه يابقره!" قالتلي وانا ماشيه ناحيتها براحه، هاني حاول يجي ورايا بس زقيته، انا نفسي اختفي او تنزل سفينه كائنات فضائيه ترفعني عندهم مش مهم هيحطوا بيضهم فيا بس علي الاقل هختفي من قدامها وهي شايطه كده.
"انا عملت ايه؟ ازيك يست الكل بس هدي اعصابك" معنديش ادني فكره هي بتتكلم علي ايه ومين بس انا هحاول مقولش حاجه تخليها تصوت في وشي، شكلها نازله وجايالي مخصوص عشان تطب عليا متلبسه بحاجه.. هي امي اه بس مش بتحب تتصل احياناً.
"بتهببي ايه يابعيده! نوال مش بيعدي عليا بقاله اسابيع وقابلت امه في السوبر ماركت بالصدفه وقالتلي انك سبتيه وبطلتوا تتكلموا؟" زعقتلي وانا مستغربه ايه ده فضحكت..
"عادي ياماما مش مهم، سيبنا بعض" قولتلها واتخضت اكتر..
YOU ARE READING
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
