AFTER (بالمصري)

Chapter 4

نيني كان واقف قدام المبني مستنينا..

 

" أيه يابت بقالي ساعه بتصل بيكي، لازم تفحرو وتمحرو في وشوكو كده، وايه الي انتي لبساه ده يافيفي.. مش مهم مش هعلق عشان ماموتش انهارده"

قالها نيني وجرح مشاعرها.. انا محرت وشي! انا محطتش حاجه..

 

مشينا لحد عربيته.. كان شغال فيها اغاني شعبي، تقريبا مهرجان الدنيا شمال، بصيت علي الي قاعد بيسمع لقيت هاني بجلابيته السوده والجبه والقفطان وشعره  طالع من الجناب وقاعد كده زي مايكون العمده وبيهز كتافه وبيسمع الاغاني بتركيز..

 

" أهلا أهلا يابنات.."

ألقي هاني السلام وقعدت انا وفيفي فالكنبه الي ورا ونيني هو الي بيسوق.. ولقيت هاني بيبص عليا وبيقول..

 

" ازيك يا طنط.."

قالهالي وقعد عدل.. بيبتريق عليا تاني! ده عيل تلم..

 

" ازيك يا حضره العمده.. سايب البلد وجي تهبب هنا ايه؟"

قلتهالو بلكنه صعيدي.. حسيت اني استفزيته.. بس يستاهل.. احسن احسن احسن احسن..

 

وبعد يجي ساعه وصلنا لمكان الحفله، كان بيت كبيير وكانت متزين وصوت اغاني ويبدو ان هي دي الحفله.. ومحطوط بوستر كبير مكتوب عليه..

(زتونه الشرق الاوسط.. 2058 )

 

انا كنت المعني الحقيقي ل مش فهمه اي حاجه، خرجت من العربيه واول ما حطيت رجلي لقيته رصيف فاتكعبلت ووقعت علي وشي..

 

" عااااااااااااااااااااااه.."

صرخت ولقيت فيفي جايه تساعدني وهاني بيضحك ونيني لسه بيركن..

 

قومت من علي الارض متكلمتش من كتر الاحراج ودخلت معاهم الحفله وكنت ضاربه بوز ومضايقه وهاني شغال بيسلم علي كل الي رايح والي جي..

 

وفجأه فلت هاني والحفله كانت زحمه ومشوفتش وش امه.. وكان في ولد وبنت ماسكين كوبايات كوكتيل فواكهه وخلصوها وقعدو يطوحو ودخلو الاوضه دي.. هموت واعرف بيعملو ايه..

 

اخدت كوبايه وقعدت اشرب اشرب والكوبايه تخلص واجيب تاني لحد ما اكتمت مبقتش قادره اقعد.. كملت مسيرتي جوه البيت ولقيت جماعه كده وفيفي نازله معاهم رغي والحوارات مقطعه بعضها..