وبعد عزومه عمو عبغفور ابو هاني في بيتهم والخناقه الي حصلت مابينهم وبين جيرانهم الصعايده وانا حوشت وهاني اتضرب ولبان لزق فيهم واتبهدلنا بصراحه، مكنش المفروض اجي بس تعرفوا.. الاكل عوضلي كل حاجه .. الاكل حاجه جميله اوي.
"يلا مين جاهز يجرب البسبوسه الي انا عملهالكوا؟"
قالت المعلمه ام لبان، لقيت لبان وهاني الاتنين بيقوموا مره واحده عشان يتسابقوا مين الي هياكلها الاول بصوا لقوا لوسي ونيني مخلصين نصها.
انا بقي مكنتش جعانه لأننا كسرنا تربيزه السفره الي جوه دي من الاكل فا اعتقد كفايه عليا كده ممكن معرفش اروح، فين الريجيم ياتيسير والله محتاجه ابطل.
"ايه ياتيسير مالك؟" قال هاني وهو بيناولني طبق فيه كنافه بالمانجه.. اه يا وسخ!
"ايه ضاه ياواد ياهاني؟"
"كنافه بالمانجه الحجه دي متعرفش عنها حاجه انا كنت بتفسح فالمطبخ لقيتها تحت الانقاض"
"واو! مش انا قولتلك اني عامله ريجيم حلويات ياهاني؟"
"لأ مقولتيش .. يعني بعد الفحت والردم الي حصل علي العشا ده انسي حاجه اسمها ريجيم."
قال هاني واحبطني، قومت مسكت الشوكه واشتغلت انا بحب الكنافه اصلاً، لقيت هاني مفشوخ ضحك ومش عارف يتكلم..
"تيسير!! في حاجه في شعرك" قال هاني وهو بيمد ايده وبيطلع ورق عنب من الي كان عالسفره، اتخضيت..
"ايه ده؟! مين الي حطها هنا؟"
قولت وبصيت لقيت نيني بيجري قومت اديت لهاني الطبق وقومت شمرت كمي وجريت وراه.. لقيته قفل علي نفسه باب الحمام..
"اطلع يانيني احسنلك!! اطلع دلوقتي بدل ما اجرسك فالمكان!"
قولتله وسمعت صوت .. شكله كان متقل فالأكل اوي، لقيته بيعيط وبيقولي..
"ارجوكي سيبيني ياتيسير انا مش في حاله كويسه دلوقتي"
"انت الي حطيت المحشي في شعري؟ انت عارف انا صارفه كام علي شعري ده؟"
"مش انا.. مش انا.. ده الواد هاني مفيش غيييره" قال ومشيت بسرعه عشان فعلا شكله مش مبسوط حالياً.. شمرت كمي لهاني بقي الواد ده هياكل بهدله اكتر من الي اتبهدلها انهارده.
روحت المطبخ وفتحت الادراج كلها لقيت المعلمه في وشي..
"ايه ياتيسير عايزه حاجه؟"
"ممكن ساطور ياطنط؟"
"ساطور؟! خير كفي الله الشر ليه ياحبيبتي؟"
"معلش ياطنط لو عندك ساطور بس عايزه ارد لحد جميل بس"
"لا ياحبيبتي مش عندي بس انتي هتدبحي بيه حاجه؟"
ESTÁS LEYENDO
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
