AFTER (بالمصري)

Chapter 22

صحيت تاني يوم الصبح علي صوت التليفون، قولت ممكن يكون هاني، بصيت لقيت نوال بيتصل بيا..

"ألو يانوال ايه مش كنت هنا امبارح؟"

"مش عارف بس قولت اقوم اسيبك تنامي، انتي مقعدتيش قدام الفيلم خمس دقايق واتخمدتي"

قالي وبصيت يمين وشمال ولقيت اكياس كتير حاجه حلوه وفيفي نايمه وتامر قاعد عالأرض نايم وبياكل من كيس شيبسي..

"نوال، هو تامر وفيفي جم وانت موجود؟"

"ايوه مانا ده شجعني اكتر اني اقوم"

"طيب انت هتيجي دلوقتي؟"

"هاجي ياستي.."

"طيب يلا.. مستنياك"

قولتله وقفلت وجيت اقوم لقيت نفسي بدوس في اطباق علي الارض، ايه المقلب الي انا قاعده فيه ده، وبعد ما وصلت للبر وعبرت كم الاكياس والحاجه ووقفت، فكرت.. اكلم لبان اقوله ايه الجديد، ولا انزل اصيع انا ونوال، مبقيتش عارفه فجأه ليه بقيت اخرج مع الكائن ده..

روحت استحمي ورجعت ألبس وخرجت لقيت نوال واقف مستنيني بره الاوضه..

" ايه الحلاوه دي أتيسوره، شعرك تحفه"

قالي واستغربت وجيت امسك شعري لقيته سخن والمكوه شابكه فيه.. واو.

"اااااااااااعععااا حرقت شعري"

صوتت واتنفضت من مكاني ورميت المكوه وهويت شعري ولقيت نوال بيجري زي الصورصار بيجيب طفايه حريق..

"لألألألأ نوال...."

مكملتش لقيته بيبخ في وشي كتير وقعت عالأرض..

"يابن الكلب..."

قولت ولقيته بيرمي الطفايه وبيقولي..

"صدقيني كده شكلك احلي، انتي كويسه اتيسير؟"

قالي وقومت من عالأرض، وبصيت حواليا لقيت هاني وجمبيه نيني واقفين بيضحكو بس نيني سكت وهاني كان لسه بيضحك..

"متخلاص ياعم انت هتزيط"

قولتله واخدت نوال ووقفنا علي جمب..

"باين ان الواد ابو جلابيه ده بيرخم عليكي كتير، تحبي اروح اتخانق"

"لأ شكرا ياناو ناو.. عايزين نمشي"

"طب ادلقي علي نفسك شويه ميه انتي متغرقه دقيق"

قالي ولطشته قلم عشان هو غبي.. وروحت دلقت علي نفسي ميه ونشفت نفسي ولبست ولميت شعري الي اطفي فعلا واخدني ونزلنا نتمشي بعربيته شويه نشوف مكان نقعد فيه..

"مش هتشوفيلك شغلانه بقي ياتيسير؟"

سألني ورديت عليه..

"انا كل جمعه بجيب الجرنان وبتصل بيهم كلهم ومحدش بيرد عليا"

"ربنا معاكي.. لو احتاجتي حاجه ابعتيلي واتس"

"طب مانت قاعد جمبي"

"بفهم من الواتس أسرع"

قالي وكنت عايزه اقوله انت مبتفهمش اساساً..

نزلنا من العربيه وطلع موديني الحديقه العامه، يخربيته، دي مليانه فسيخ وعائلات وزحمه مش مكان خروجه رومانسيه ابداً.. جاهل.

"هنقعد فين الدنيا زحمه فشخ"

قولتله وانا بصاله بقرف، الشمس ناقحه الله يحرقه..

"تعالي تحت الشجره دي"

قالي ولسه هنروح لقيت كوره بتخبطني في وشي، محسيتش بوشي بس بصيت علي الي حدفها طلع واد صغير..

"يابن الـ...."

كنت هشتمه لقيت نوال مسكني..

"اوعا يابني انا مش هضربه انا هفهمه غلطه بس"

"اهدي ياتيسير"

قالي روحت بصاله وقولت..

"علي اساس اني هسمع كلامك.. يابنل.."

كنت لسه هشتم الواد لقيته بيقولي..

"مش هتجيبي الكوره؟"

قالي روحت فعلا جبتها من عالأرض ومسكتها في ايدي..

"أبقي قابلني ياروح امك لو اديتهالك انهارده"

قولتله ولقيت اصحابه الي كانو بيلعبو معاه كبار كده واقفين جمبه، احيه..

ببص حوالياً ملقيتش نوال، فكسلي الواطي.. المهم انا مسكت الكوره وحدفتها فالبحر، لقيتهم كلهم بلا استثناء بيجرو ورايا وانا رجلي اخدتني وجرينا بسرعه من المكان..

يتبع..

أوهمايجاد بقينا 60 ألف ياجماعه مش مصدقه والنعمه x'D

وهيهيهي.. أسفه انا عارفه اني للمره الشخروميه بتأخر بس انتو عارفين افتر بقي متعبه اساساً :'D

المهم رأيكم فالشابتر، هكتب الشابتر الجي وهينزل بكره او انهارده علي حسب..