AFTER (بالمصري)

Chapter 24

سوقت العربيه بالعافيه بعد ما خبطتها تسعوميت خبطه، فتحت الموبيل ابص عالعنوان..

"أرض اللواء، أمبابه"

قريت العنوان كله وتفحصته، خوفت اتوه بس انا عارفه امبابه كويس..

المهم فتحت الخريطه عالموبيل وقالي ان المشوار هياخد ربع ساعه، لبان كان بيكلمني بسرعه اكن هاني عمل مشكله، صوت التكسير، اه احنا متخاصمين انا وهاني بس لازم اروح اعرف..

المهم وصلت ولقيت عمارات كتير كتير كتير، بصيت فالعنوان ولقيت العماره وباين عليها فخيمه فاقولت اكيد ده بيت هاني اساساً..

ركنت العربيه وقفلتها واخدت نفس عميق وانا ماشيه عالرصيف وطالعه العماره.. يارب ياساتر..

طلعت الدور الخامس علي رجلي، وقفت علي جمب باخد نفسي وبنهج عشان بتعب بسرعه من طلوع السلم، عجزتي ياتيسير.. بصيت لقيت باب الاسنسير بيتفتح وبيطلع منه عيل صغيل كده شايل كيس عيش، جه عندي..

"شقه استاذ مدحت فين؟"

"معرفش والله انا مش من هن..."

مكملتش لقيته بيخبط علي باب وبيتفتح وبيديلهم الطلب، طب مانت عارف اهو بتسأل ليه؟ انا شكيت لوهله ان استاذ مدحت ده هاني.. لول..

بصيت فالعنوان الي عندي عالورقه بعد ما الواد نزل وقريت رقم الشقه، شقه تسعه وتلاتين، روحت عند الباب الي مكتوب عليه كده ورنيت الجرس..

مفيش ثانيه لقيت لبان بيفتحلي الباب..

"تيسير.. هووف الحمد لله انك جيتي، نوال معاكي؟"

قال لبان وهو بيفتح الباب اكتر وبيشاورلي ادخل الشقه الي ريحتها بخور، هاح..

"لأ انا جيت لوحدي، هاني فين؟"

سألته وهو بيقفل الباب تاني وقالي..

"فالبلكونه الكبيره الي فالأوضه الي في الوش دي، هاني اتجنن"

قالي واستغربته..

"سايبه فالبلكونه! افرض عمل في نفسه حاجه!"

قولت بسرعه بس وقفت مروحتش لهاني علي طول.. سألته..

"طب اشمعني انا الي اتصلت بيا؟"

قولتله وكان لسه مسابش اوكره الباب مع انه اتقفل خلاص، قالي..

"انا عارف انكو متخاصمين، بس هاني.. هاني...ه...."

قال بس تردد انه يقولي حاجه.. روحت اتخضيت انا بقي..

"هاني ايه؟! انطق.. اتكلم؟! فاضل كام يوم من عمره؟!"

"ايه الجو ده ياتيسير، هاني.. هاني عندي البواسير."

قالي وروحت حطيت ايدي علي بقي وقولت..