AFTER (بالمصري)

DONE

انا خلصت!!! او اتخلص عليا مش عارفه... حابه اقول اني في اول ما قررت اترجم الكتاب ده انا مكنتش عايزه انزلها ونزلتها عشان ال ههه والهزار وكده ومكنتش اعرف انها هتبقي متعبه وطويله واحداثها بطيئه اوي كده، بالعكس ده احداث النسخه المصريه دي اسرع من الاصليه مليون مره.

But i was in too deep, you see..

١- انا خلصت دي علي 75 شابتر بس، الاصليه 99 معني كده ان في اربعه وعشرين شابتر عباره عن بورن (والعياذ بالله) بس انا شيلته كله وبدلته بحاجات عبيطه كده.

٢- حابه اوريكوا البوست الي كتبته اول ما نزلت اول شابتر من النسخه دي... من سبع سنين.. وكلها كام شهر وهتبقي تمن سنين شغاله فيها (يارب انا مش باخد فلوس علي كل ده).

طبعاً انا اخدت بريكات كتير عشان الدراسه والدنيا (؟؟؟؟) عشان سبع سنين كتير، انا كنت حرفياً في اعدادي لما بدأت استخدم فكره تمصير الأجنبي دي وقررت اكتبها والناس ساعتها كانو بيقولولي ايه ده كملي حلوه وبتاع (ايام ون ديركشن وايام الخير)

٣- ليه عملتها بقي؟ عشان كنت مستغربه هي الاصليه ليه جايبه كل الريدز دي، عشان لما جيت اقراها بقي لاقيت النجاسات دي فيها قولت دي محتاجه حد يجي ينضفها والي كانو بيترجموا لعربي ساعتها (محدش فيهم خلصها باي زا واي) كانو بيحاولوا يشيلوا كميه القرف الي فيها.

بس الناس كانو "بيسبشيال ريكويست" ان المترجمين يحطوا النجاسه فيها تاني.. ويزودوا من عندهم نجاسه كمان لول.

واكتشفت ان الحاجات دي هي الي جابت قراءات ماشاء الله بالمليارات، وبقت كتاب والكتاب اتحول فيلم وافتر (بالمصري) حضرت كل ده.

كنت احياناً بفكر اطبع دي عشان اتشجع واخلصها لأنها كانت موقفه حاجات تانيه كتير عايزه اكتبها بنفسي وحاجات مختلفه وجديده بس بفتكر الي لسه مخلصتوش وبركن كل ده.

٤-النهايه بتاعت الكتاب الاول مستفزه، شخصيه تيسا مستفزه.. هاردن ابن وسخه.. انا زهقت منهم بجد.

طبعاً مش بتكلم علي حبايبي هاني وتيسير طبعاً دول حبايبي دول بس جيت في الاخر ودماغي عملت ايرور كده ازاي يبقوا عايشين مع بعض في بيت واحد في مصر عادي كده وحصل ميكس بين العربي والاجنبي سوري بقي اعملوا نفسكوا مش واخدين بالكوا.

حاجات بقي كانت بتخليني اكمل هي الكومنتات الي بتقولي كملي كملي ومش عارف ايه والبتاع ده بيضحكني اوي والموضوع ده كان بيشجعني اكملها حتي لو مفيش ناس كتيره مهتمه.. بجد بحب كل الي بيشجعوني اعمل حاجه بحبها وانا بجد بحب الكتابه وبحاول انمي اسلوبي فيها علي قد ما اقدر منغير وصفات ولا كورسات.

بس الاستوري دي هي الي خلتني الزق واكمل للأخر عشان اخلصها في ٢٠٢٢ عشان معنديش حاجه تانيه اعملها صباح الفل بقي لول.

بس اقدر اقول الحاجه الي كل سنه اصحي اقول (عايزه ابقي اخلص افتر بالمصري) خلصتها اخيراً، عملت الي كنت بقول عليه مستحيل وخلصت الكتاب المستفز ده.

وحاجه اخيره، انا معرفش هعمل الكتاب التاني ولا لا، هو معموله بابلش عندي علي الاكونت ممكن الي خلص دي (بطريقه ما خلصتوها معرفش ازاي) حطوا التانيه عندكوا في المكتبه بس انا مش بوعد بحاجه اهو انا ممكن معملهاش وانزل حاجات تانيه.

اهم حاجه خدوا بالكم من نفسكوا يجماعه ومتصدقوش اي كاتب يديكوا معاد الشابتر هينزل فيه عشان غالباً بيبقوا مش قادرين يكتبوا حاجه.. انا قولت هخلصها كلها في سنه اخدت سبعه.

واخيراً...

مع أطيب التمنيات ومع السلامه من هنا يجماعه.