قومت ورا هاني عشان ميعملش في نفسه حاجه ده مجنون ومعرفش ان كان كل ده بسبب طفولته الصعبه بس اهو لسه معلي صوته علي ابوه! بجد انا الي هربيه لو اهله نسيو يربوه في البلد.
لسه هوقفه دخل اوضته ورزع الباب، احيه ممكن يشغل اغنيه حزينه وي.. يلاهوييي، ميعرفش اني جايه وراه قمت خبطت خبطتين وفتحت الاوكره اتوقعت انه هيكون تربس وراه بس الباب اتفتح..
"هاني؟ مالك فيك ايه؟" سألته وانا مش متأكده اقوله ايه تاني، انا قولت هربيه بس مش هفاجؤه بالموضوع ده في وشه.. لأنه هيقولي انه متربي في بيت امه والكلام ده.. مردش عليا بس قام واخد الاباجوره الي جمب السرير وقام راميها علي الحيطه واللمبه اتكسرت في كل حته.. وكان حافي!
"انت مال امك ومال الحاجات الزجاج في البيت ده، هل في أزازه ضايقتك وانت صغير؟" بصلي بصه متعصبينيش ياتيسير وحط ايده علي دماغه ومسك لاب توب كان محطوط هناك وكسره نصين وحدفه علي الحيطه برضه..
"انا غيرت رأيي، الحيطه دي هي الي مضايقاك؟"
"ليه ياتيسير! ليه! علي اساس انه معهوش يجيب شقه تانيه بحيطه احلي!" زعق وهو بيجيب الشاشه بتاعته تاني من علي الارض وبيخبطها في الحيطه كذا مره بأيديه الاتنين.. واو هو فعلاً بيكره عيلته مكنش بيهزر.
أنت تقرأ
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
