AFTER (بالمصري)

Chapter 6

 

فوقت خيرا بعد غيبوبه نوم بعد الحفله بنت ميتشين ال**** دي الي كنت فيها امبارح.. قعدت اطلع اصوات غريبه من منخيري *تشخير* وطلعت بره السرير..

 

بصيت يميني لقيت فيفي لسه مرميه علي السرير نفس الرميه من امبارح.. العبايه مبقتش عبايه خلاص.. بقت شال علي رقبتها من فوق وهدومها الداخليه كانت باينه.. ايه البني ادمه العجيبه دي!

 

لبست الجزمه وطلعت.. فكرت.. اخبط علي هاني؟ ولا نيني؟ ولا زيدان.. ولا ارجع اخد بعضي واروح انا لوحدي احسن.. كان يوم وسخ يوم ما فكرت اجي المكان ده..

 

نزلت للطابق الي تحت.. ناس كتير مرميه علي الارض والي فوق الكنب والي فوق بعض علي الكراسي.. حسيت ان الحرب العالميه التالته قامت ودول الناس الي ماتت.. حاولت اعدي مابين الجثث..

 

" نينيييييه؟"

ناديت علي نيني.. يجي 120 واحد نايم في الصالون لوحده.. مش عرفه ايه المزبله دي.. ازايز ببس.. ازايز كوكتيل فواكه.. اكياس شيبسي فاضيه مرمين في كل حته.. ناس مرميه شبه حيه علي الارض.. كان نفسي الاقي نيني.. و الوحيد الي ممكن يساعدني اصلا.. ممكن يكون سكران ويطلع عين ميتين اهلي بس هحاول اكون هاديه..

 

مشيت لحد المطبخ ومفيش اي اصوات فالبيت الا تشخير وصوت الزباله تحت رجلي.. فكرت ياتري اكمن هاني هو الكبير هنا.. واكمنه شريك في الحفله.. هيرشق انه ينضف كل ده او يدفع فلوس.. ياااه.. ده البيت ده يتحرق كله ويتهد ويتبني تاني احسن..

 

قعدت اضحك بصوت عالي جدا وانا واقفه في المطبخ الي مفيهوش جثث.. انا الوحيده الي فايقه هنا!! هههههه

 

" في حاجه بتضحك هنا يا انسه؟"

 

سمعت صوت هاني ورايا.. بصيتله وبجد كنت هسخسخ خلاص من الضحك.. لبس الجلابيه تاني بس منغير جبه ولا قفطان.. ورابط وسطه بحاجه عشان الجلابيه تبقي مرفوعه ورافع البنطلون القطن الي تحتيه والسمانه باينه.. وععع رجليه احلي من رجلي.. وكان ماسك جاروف ومقشه..

 

 

فضل باصصلي بتسائل وهو بيحط الازايز والزباله في الجاروف ويرميهم فالكيس.. هههه زي ما توقعت.. هو الوحيد الي بينضف هنا..

 

" ولا حاجه بس كنت.. هو نيني قاعد هنا؟"