AFTER (بالمصري)

Chapter 27

"مالك يابنتي قالبه وشك كده ليه عالصبح؟"

قالي لبان وهو ساند علي الحيطه فالقهوه مستنيني، كان يوم الاتنين بقي وانا بتشائم من اليوم ده.. هو وهاني..

قبل ما انطق بصيت في وش لبان بتركيز، وشه اكن حد ضاربه ومبطط علي جوه عشان هو لبانه.. تحت عينه وفي وشه، احييه!

"لبان؟ مين الي عمل في وشك كده؟ لبااااااان رددد عليياااا!! هاني صح؟ هاني الوسخ"

قولت ولقيته بيقولي بهدوء..

"ايوه هاني"

"أحيه ليه؟ ابن الجزمه ده ليه عمل فيك كده؟"

قولت وانا مضايقه فشخ من هاني، طب لبان بريئ ليه يفشخه كده؟ اهعاهعاا..

"بعد ما انتو مشيتو امبارح، طبعا انا قومت كملت ترويق فالشقه الي هاني كسر قلل امي فيها.. لقيته علي ذات غفله بيدخل البيت وبيدور علي القلل الي امي مخبياهم احتياطي عشان يكسرهم.. حاولت امنعه.. قلبناها مصارعه"

قال وهو بيضحك، واتخضيت انا بقي..

"طب انت متأكد انك كويس يعني، وشك ده ممكن يتعدل؟"

"أه ممكن بس هياخد وقت شويه.. هاعاهعاهعا.."

قال وهو بيضحك ضحكه شريره، الصراحه كنت قلقانه علي لبان.. طظ في هاني..

وطول ما احنا ماشيين فالجامعه بقي حكالي عالي حصل امبارح، ابو لبان عمو تشيكلس جه لحق هاني ولبان قبل ما هاني ياكله، وام هاني الي قعدت تعيط علي القلل والبيت الي اتكسر..

"شوفتي! صفيه صحبتي"

قال وبصيت عليه لقته مكسوف.. اوه لبانتشي بقي عنده جيرل فرند..

"ايه؟"

قولتله وانا بضحك، فابتسم وقال..

"هتيجي هنا الاسبوع الجي بعربيه ابن خالتها وهياخدوني معاهم حفله فالنار"

"فالنار؟ جهنم يعني؟"

قولتله ولقيته بيضحك بصوت عالي..

"لأ لأ انتي فهمتي غلط، فالنار.. يعني هنروح الصحرا.. وهنجيب خشب ونولع فيه هناك ونقلع هدومنا ونقعد نرقص زي الهنود الحمر حوالين النار"

قالي ومكنتش عارفه اكتم الضحكه ولقيت نفسي انفجرت ضحك في وشه..

"ههههههه ايه الي انت بتقوله ده بجد؟"

"ايوه الحفله دي مشهوره جداً اليومين دول وهتبقي اول مره اجرب اروحها"

قال واستغربت، اول مره اسمع عن حفله فالنار دي، اعتقد انهم بعد ما هيقلعو بقي هيرمو نفسهم فالنار..

"مش شايفه كل الاعلانات الي علي الشارع بره عن الحفله دي، وفي حفلات مفتوحه بقي اي حد يقلع ويروح"