لما وصلت الاوضه بعد يوم طويل فشخ وخناقه مستفزه اكتر اترميت علي السرير وانا مش حاسه برجليا من الجري الي جريته من هاني، انا لسه مضايقه منه مفيش حاجه اتغيرت بس شاكه في حوار انه عايز يخبي علي الناس اننا مرتبطين.. ليه يعني؟ حرام عليه.. انا عايزه اقول للناس برضه.. ولما قابلنا بوحسن ده في اسئله كتير عايزه اسألها لهاني بس انا عارفه انه مش هيجاوبني عليها.
ولسه هنام افتكرت ان هاني مش بيسبني الا علي باب الاوضه.. سمعته بيدخل وبيقعد علي الكرسي الي قدامي..
"انا اسف ياتيسير بجد.. حقيقي.. بتأسف اني جرحت مشاعرك الحساسه" قالي، انا مش راضيه ابص عليه عشان معملهوش اعتبار عشان انا عارفه انه عينيه هتلمع وهيبقي كلبوب صغير غلبان وهيخليني اسامحه بس لأ.. مش هضعف.
"انتي لسه عاوزاني؟" سألني، ارد عليه اقوله ايه ده؟
بصيت عليه وكان شكله غلبان وبيعتذرلي فعلاً وباين علي وشه.. ده مش نفس الشخص الي هددني في العربيه من ربع ساعه ده.. ده الكائن الهنهون الغلبان الي بيستعطفني عشان اوافق اتجوزه.
"اه يا هاني.. لسه عوزاك.." قولتله وانا زهقانه وهفتانه برضه بس كملت "وهل انت معتبرني حبيبتك؟ ولا مجرد صديقه؟"
أنت تقرأ
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
