صحيت تاني يوم الصبح علي صوت المنبه كالعاده بصيت لاقيت هاني لسه نايم زي البقره معرفش اي الي حصله لما اتسطل وقالي انه هيتجوزني وهيجيب شقه وهنعيش فيها للأبد.. مش مصدقه ان الكلام ده قاله بعد الوقت القصير الي قاضيناه مع بعض.
قمت جهزت عشان انزل الشغل وسبته ميت تقريباً مش نايم وقررت اطنش موضوع الجواز ده عشان امي مش هتوافق اني اتجوزه وابويا محدش عارف هو راح فين ومليش لا عزيز ولا غالي في الدنيا دي.. كنت هعيط وانا باخد الصابونه وبغسل وشي.
وانا بفكر في لسته المعازيم الي هيجوا الفرح سواء اصحاب زمان.. اصحاب دلوقتي.. بلديات هاني لاقيته صحي وتقريباً كان بيدور عليا الواحد مبيعرفش يهرب منهم ولا ايه؟ بس خلاص المخدرات راحت من دماغه..
"صباح الخير ياتيسير" قالي وبصيتله ورفعت فرشه السنان "استني هغسل سناني وهاجي"
"مش مهم انا مبغسلش سناني" قالي ودخل الحمام عادي كده وقعد علي الحوض جمبي.. شكله مبهدل وشعره ملعبك في بعضه والعمه ماسكه في راسه بالعافيه..
"فكرتي في الموضوع ياتيسير؟" عملت نفسي هبله..
"موضوع ايه؟"
"الجواز؟ مش قولتلك امبارح؟" قالي وبعدين ضحكت
YOU ARE READING
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
