"تيسير هاتي مفاتيح عربيتك" قالي هاني قبل ما ينزل يساعد ابوه في السوق..
"ليه بقي ان شاء الله من امتي بنتشارك الاملاك؟"
"يعني.. عربيتي محتاجه راحه"
"لأ متريحهاش، ايه رأيك تاخد عربيتك دي بدل مانت مدلعها" قولتله وانا باخد المقشه وبكنس السجاده قدام الباب، هو واقفلي علي السجاده الي انا بنضفها ليه قمت خبطاه بالمقشه في رجله طلع بره الباب..
"انا معنديش عربيه ياتيسير بصراحه" قالي وصعب عليا بس كمل "انا عندي حصان"
وقفني عن الي بعمله وبصيتله "حصان؟ وده راكنه فين؟"
"الجراج طبعاً ياتيسير انتي ذكيه جداً!"
"طب ياعبقري قولي كنت بتروح الجامعه كل يوم بالحصان؟"
"لأ نيني بيوصلني، بخاف عليها من الطريق وكمان جامعتنا مش بتدخل حيوانات.. رفعت عليهم قضيه انهم قالو عليها حيوانه من الاول اصلاً بس فضلوا مش راضيين يدخلوها" قالي وصعب عليا اكتر..
"اسمها ايه؟"
"بدريه وبدلعها بقولها يادودي" قالي وكمل وهو متأثر "بحبها اكتر من اي حد في عيلتي، صديقه الزمن من ساعه لما كنت في البلد، بصحي كل يوم الساعه سته الصبح عشان اجيبلها اكل ومايه وامشيها"
YOU ARE READING
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
