نزلنا من العماره انا وهاني وكان معانا لوسي ونيني، وركبنا عربيه هاني وقعدت انا في الاول جمب هاني، معرفش ليه لبان مجاش معانا مع انه كان شكله عايز يجي بس شكل امه هتشغله فالبيت شويه.
وفي نص الطريق لوسي شغل اغاني شعبي وسواقه هاني بقت متهوره بعد ما شغل الاغنيه وقعد يضرب كلاكسات وانا ماسكه في الحزام وبتشاهد عشان شكله عايز يقلب العربيه بينا.
"متسمعينا زغروطه يابت ياتيسير.." قال نيني والاغاني كانت عاليه وعايزني ازغرط اكننا في فرح مثلاً..
"نعم ياخويا؟ ده بمناسبه اننا هنموت ان شاء الله؟!" قولتله بصوت عالي وقومت مصوته في هاني..
"هاااني اركن العربيه دلوقتي!" قولتله وكان مستغرب بس وطي الاغاني وكنا طالعين كوبري كمان..
"في ايه ياهاني عمال تسوق بتهور انت بايع عمرك كده؟"
بصلي بصه جد "بس خلاص انا نفسي اتسدت..."
"بعد ما ايدي للواطي اتمدت!" ردوا عليه وعلي الاغاني تاني وفضل يضرب في كلاكسات.
انا زهقت منهم ومن هاني! الخاين الغشاش، امبارح لقيت علي موبايله بعد ما نام رسايل من البت البيئه دي الي بيكلمها وعمالين يبعتوا لبعض ايموشنز حب، ايه الخرا ده؟ مكنتش مستحمله اقف علي بعضي ورميت موبايله فالحيطه خليته يجيب شاشه.. هو بس يقعد يمشي وهو نايم وانا الي اطبطب ولما يصحي يعاملني وحش ويقعد يحب في مولي دي! حتي اسمها اسم خواجات معفنه زيه.
ده حتي متفش في وشي ولا حتي دبدوب ولا اي حاجه، انا هروح اعيش في جلباب ابوه! معاهم فلوس وبيعملوا اكل حلو.
وبعد مشوار مرعب وصلنا الجامعه كويسين الحمد لله وهاني وقف العربيه ولوسي ونيني طارو علي طول علي بره اكنهم بقالهم سنه مثلاً مجوش، وفضلت ساكته وهاني بيشيل المفاتيح.
"تيسير؟"
"نعم؟" قولت، كنت ناويه اطلع من العربيه بس شكله عاوز يقول حاجه. اديله ربع فرصه بس قبل ما الطشه قلم.
"انتي لسه مضايقه؟"
"لأ انا تمام زي الفل!" كدبت عليه، عايز يعرف ليه الي مبيحسش ده؟
"لأ شكلك مضايقه مني، متمثليش عليا لأ انا تمام وتطلعي اوضتك تعيطي فوق والكحل يسيح وهاني خاين هاني وسخ... انجزي!"
قعد عملي سيناريو كده المهم قولتله بهدوء كده مش هتعصب خالص..
"هاني.. انت لسه بتكلم البت موله البيئه دي صاحبتك؟"
قولت ولقيته ارتبك، يبقي انا صح! انا متأكده انهم بيتكلموا ومعايا الدلائل الي تثبت ان هاني بيلعب بيا! احنا مش اصحاب اصلاً ولا حتي اصحاب طفوله، هاني! خلاص انت ملكش مكان في حياتي!
أنت تقرأ
AFTER (بالمصري)
العاطفيةتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
