AFTER (بالمصري)

Chapter 12

قومت الصبح مش قدره افتح عيني.. قعدت اهرش فيها كتير لحد ما فتحت.. مش عرفه ليه حسيت ان عليها خيوط عنكبوت.. قومت غسلت وشي وانا مغمضه ولقيت فيفي نايمه ولابسه اصفر في اصفر.. بستغرب الاستايل بتاعها جدا..

 

 

 

غسلت سناني ولبست ونزلت القهوه وشربت حاجه زي روتين كل يوم الي قرب يبقي ممل بالنسبالي.. واتكلت علي الدرس..

 

اتخبطت في لبان ولقيته منشكح انشكاحه بلهاء في وشي..

 

لسه هسلم عليه لقيت بنت بتقع عليه وبتبوسه.. لبان! لبـــــان!! لبااااان!!! انحرفت يالبان.. الطلبه كلهم بيقولو عليه المحترم المؤدب الدحيح.. دلوقتي.. ااااه قلبي..

 

من الصدمه سندت علي الحيطه وقعدت علي الكرسي وحطيت ايدي علي قلبي.. المهم البنت قعدت تبوسه ما يقرب من نص ساعه، وفجأه لقيت نفسي بضحك بصوت عالي جدا عليهم، افتكرت ان لبان بيلزق في اي حد.. وهم دلوقتي لزقو في بعض.. احسن احسن.. يستاهلو..

 

 

وبعد شويه فكو البت من بقه وجريت.. ولبان قعد جمبي ومسح عينه..

 

" امسح بقك.."

قولتله بقرف.. الواد لزق.. نسيت اسأله هو لبانه بطعم ايه..خخخههههه.

 

" اه صحيح يا لبان، هو انت لبانه بطعم ايه؟"

قولتله ولقيته بيخلعلي صوباعه وبيقولي..

 

" دوقي، بطعم البني ادمين.."

قالي وبصيت بأرف للدم الي بينزل من صباعه، روحت ضحكت وقولت..

 

" والي نازل ده ايه، عصير طماطم؟"

قولتله وبص علي ايده الي بتنزف وحط صباعه مكانه وقال..

 

 

" لأ ده فراوله مسكره.. تشربي؟"

عزم عليا بس انا رفضت بأرف وقولتله..

 

" هو انت.. مش خايف من مصاصين الفراوله الي هناك دول؟"

قولتله وشاورت علي اربع شباب بيشربو ازايز عصير فراوله وبيبصو للبان بنظره مرعبه، انا ذات نفسي خوفت منهم.. رد عليا..