اخيرا انهارده الجمعه، وخلصنا محاضراتنا الكتير طول الاسبوع والمواد زفت بس انا شاطره، وهاني كل مدي بيفضل فاشل وبيحقد عليا عشان علي طول باخد درجات اعلي منه..
الجمعه طبعا اجازه اخدت النوت بتاعتي وسرقت أقلام فيفي هي اكيد هتوافق.. هي كده كده هتروح تصيع في حفله من حفلاتها دي..
روحت خدت شنطتي وظبطت نفسي، عملت انهارده نيولوك بقي، لبست العبايه الي ماما بعتهالي من السعوديه، شيك اوي عليا.. وحطيت اسكارف وحطيت الشنطه علي كتفي ونزلت للقهوه عشان اجيب كوبايه..
" تيسير؟"
سمعت صوت بنت بتنادي عليا، بصيت عليها لقيتها بنت كده كانت موجوده فالحفله، حاولت افتكر اسمها بس فشلت..
" هتيجي حفله انهارده؟"
سألتني وهي عماله تلف حواليا زي المحققين الي في الافلام وانا الي ارتكبت الجريمه..
" لأ.. مش هروح"
" ليه دي هتبقي حلوه جدا ومليانه رقص وهيصه زي المره الي فاتت.. روحي شمي شويه هيروين.. اقصد هوا.. يعني"
قالتلي بسرعه.. كنت متردده بس رافضه.. مش هكرر نفس غلطه الحفله الي فاتت الي قعدت فيها تلت شباتر عماله احكي عن مأساتي وانا تايهه فالبيت بتاع الحفله وهاني الرخم وفيفي الي علي طول سكرانه.. وناس كتير سفله.. لأ...
" لأ انا اسفه مش هقدر اجي.. ورايا مذاكره كتير"
قولتلها وردت..
" اعتقد ان زيدان عايز يشوفك مره تانيه.."
قالتلي واستغربت.. زيدان.. ايه الي فكره بيا ده..
" اعتقد انه معجب بيكي.."
قالتلي وسخسخت من الضحك..
" ههههه.. زيدان.. ههههه... بس انا عندي بوي فرند.."
قولتلها وبطلت ضحك..
" يا خساره مش هتيجي.. كنا هنخرج مع بعض ونصيع.."
قالتلي وهي بتبص يمين وشمال اكن في حد بيراقبها.. اخدت كوبايه القهوه بتاعتي ولفيت وفكست للبت الي بتقولي زيدو معجب بيا، زيدان.. معجب بيا انا.. لا هو ولا هاني.. هو مفيش غير نوال.. هو الوحيد الي حاسس بيا وبيحبني في كل الشباب دول.. مين دول..
YOU ARE READING
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
