"تيسير!" جه هاني خضني واحنا خارجين من بيتهم وخبطته..
"في ايه هرعتني!!"
"شكلك حلو انهارده.." قال، ايه ده ايه ده؟ الله هاني اول مره يقول حاجه كويسه من فتره طويله.
غمزتله "ايه ده ياهاني الغزاله رايقه انهارده يعني"
"ايوه، اصلي مصطبح."
خبطته وضحكت "طب ايه ياغزال مفيش مجال؟"
"ايه ياتيسير خلينا علي الهادي يازبادي"
صادفنا واحنا عمالين نقول بيك اب لاينز نيني طالع معاه شنطه، والفضول قتل هاني واخد منه الشنطه عشان خايف عليه لحسن يبقي مدمن مخدرات ويروح مننا..
"لا دول للواد لوسي طالبهم مني.."
"كتابين؟ من امتا ياد لوسي بيعوز كتب؟؟" فضل هاني يحقق معاه فابصيت علي الكتب لقيتهم واحد عن طرق التشريح والتاني قصه حب..
"ايه التناقض ده يانيني؟ هيعمل بيهم ايه؟"
اخدهم نيني مني وحطهم في شنطته "امه محمره بطاطس وبتنجان انهارده علي الفطار عايز ورق عشان الحاجه تطلعهم عليه."
"واد يانيني.. قول للوسي ياخد باله عشان التشريح ده مش مريحني"
"يا اخي سيبك ده مبيعرفش ينام في الضلمه اصلاً.. يلا سلامات ياحبايبي بقي" قالنا ومشي واحنا لسه قدام باب البيت، مكنتش فاهمه ليكون لوسي بيخطط يشرح حد فيهم.. زيدان؟ لا غلبان بلاش ده..
"هنعمل ايه ياهاني؟" قولتله وقام ظبط العمه والقفطان بتوعه وقالي..
"هاخدك يابت ياتيسير علي دار النشر الي نفسك تروحيها طول عمرك.."
"بجد ياد ياهاني؟ هتاخدني دار ال..."
"ابن عمي عامل دار نشر جديده يلا نروح نشغلهاله"
"ابن عمك ايه ياهاني؟ وديني الشروق ولا اي حته كويسه!"
"ماهو عاملها دار نشر الغروب عشان يعرف ينافسهم.." قال هاني وهو بيركب العربيه وبيقفل الباب وراه وانا لسه زي ما انا واقفه مستغربه ..
"هاني مش هروح الغروب دي وديني الشروق!"
"اركبي ياترسييير" قال ترسير دي من هنا قومت قفشت فيه من شباك العربيه..
"انت قووولت ايه؟!؟!؟!"
"اركبي بقي عشان منتأخرش علي الراجل بيقفل الساعه خمسه.." قال وقومت بصيتله بقرف وركبت فالكنبه الي ورا، عشان لو في فرصه اخنقه وهو بيسوق عشان ميودينيش الغروب بتاعت ابن عمته ده.
خدنا ساعه فالطريق لحد ما وصلنا مدينه الهانيهات الي في اخر الدنيا فالقاهره.. انا مش بحب الهانيهات كفايه ان معانا فالجامعه واحد اهو مطلع عين الي خلفونا.
ВИ ЧИТАЄТЕ
AFTER (بالمصري)
Романтикаتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
