" وصلنا "
وصلنا الجامعه بتاعتي وماما طفت ماتور العربيه اخدت نفس وارتاحت..
بصيت حواليا فالحرم، كان واسع وحلو زي ما شوفته عالنت.. مطلعوش نصابين.. بدايه مبشره.
سبت العربيه واخدت شنطي ودخلت المبني وعند الممرات شوفت واحده ست كده ادتني مفاتيح ووصلتني لباب اوضتي، ايه الدلع ده.. يارتني كنت جيت هنا من زمان..
" اووه اخيرا كبرتي وهتسيبي البيت وهتكبري بقي وتعتمدي علي نفسك، متنسيش اني تعبت فشخ عشان اربيكي مع اني حاسه ان تربيتي راحت هدر، لازم اشوف اوضتك قبل ما امشي"
قالتلي مامتي وهي بتطبطب علي كتفي وانا واقفه بتفرج علي الباب من بره.. ومسحت عينها عشان كانت بتعيط.. غريبه!
بصيت يميني لقيت نوال جي وشايل خمس شنط والتيشرت بقي مرفوع لرقابته، قعدت اضحك ومسكت المفاتيح وحطيتها فالباب بتاع الاوضه..
فتحت الباب الخشبي القديم وعمل صوت اكنها اوضه أثريه، بصيت ولقيت امي بتشهق اكنها بتعمل ملوخيه، بصيت علي الاوضه الصغيره، وكان فيها سريرين ومكتبين، وقعدت اتفرج علي الاوضه وبصيت ورا الباب لقيت صور غريبه جدا..
" مين بنت الكلب الي هتقعد هنا معاكي.."
قال نوال، بصيتله بأستغراب، البوسترات الي متعلقه علي الحيطه، ناس رجاله وستات مش لابسين اي حاجه، شت!
بصيت لقيت بنت فاتحه رجليها ومأنتخه علي السرير.. جسمها متغرق حبر، هي بتتعلم من كتاب (كيف تصبح كراسه رسم)..
*زي الي زين بيتعلم منه.. هيهيهيهي*
والكحل حوالين عنيها.. حسيتها نسخه الجوكر البنت..
" هاااي.."
قالتها البنت بلكنه غريبه كده وضحكت..
" انا فيفي.."
قالتها وقامت من علي السرير..
" عااي.. انا تيسير"
ضحكت البنت وقال..
" أهلا بيكي ياختي، الاوض هنا صغيره زي مانتي شايفه، بس الشباب هنا ولاد ستين كلب مزز"
قالتها بطريقه اكن في حاجه هي عيزاها ومش عرفه توصلها.. شباب.
اتخضت امي من طريقه كلامها ونوال واقف مستغرب ومش مرتاحلها..
ESTÁS LEYENDO
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
