AFTER (بالمصري)

Chapter 20

بعد ما خرجت من خطوبه البت بنت خاله فيفي ولا معرفش مين دي، طلعنا كلنا جمب الكرسي واتصورنا صوره جماعيه مع العريس والعروسه كانوع من الذكري، انا طلعت في صوره الذكري دي شكلي سكرانه طينه..

مع اني مكنتش سكرانه!

المهم هاني رضي عني اخيراً وعن البدله الي باظت لما وقعته عالبوفيه، حسيته فرحان بالموبيل الي اخدته من لوسي عشان رميتله موبايله.. قولت اجيبله واحد جديد عشان داخلين علي رمضان ولازم نكون كلنا متسامحين مع بعضينا..

ونحب بعضينا.. ونعمل شاي عالسحور لبعضينا..

ونيني شاف العربيه الهامر بتاعته الي كسرتها في سور القاعه بتاعت الفرح يومها لما كنت بحاول اهرب، اضايق مني طول اليوم بس لما رجعنا الجامعه عزمني علي ايس كريم.. طيب نيني والله..

حسيت الاسبوع ده كله في الدراسه واصحابي كلهم بقو يحبوني والمواد بقت سهله، اه انا استغربت.. حسيت اني عندي مرض خطير وهم بيحاولو يخلوني مبسوطه في اخر ايامي بس انا كويسه هم الي مالهم..

وفيفي سابت تامر حسني وراحت مشيت مع تامر عاشور، والنعمه انا بضحك من ساعتها..

والاوسطه أشف اخيراً اتعرفت علي مهنته الحقيقيه وطلع طالب بيحب يعمل مقالب هو وهاريدي اخوه.. وطلع كاطالب مز خالص يعني شهنتكلم..

بس مش هينفع اخون هنهن عشان واعدني انه يشتريلي هديه فالفلانتاين الجي..

ولوسي النادي الرياضي بتاعه اتقفل عشان مش ماشي علي القوانين فالحكومه جت كيست المكان كله وطردتهم وهاني رجع يصرف عليهم تاني..

وزيدان.. ليه وحشه الكائن ده، بقي يذاكر كتير ومبقيناش نشوفه، بقي يقفل في كل الامتحانات وكل الجامعه بتتكلم.. هو ازاي صاحب هاني وبيذاكر.. الله يرحم ايام ماكنتي ابت اتيسير بتقفلي كل الامتحانات.. هنهن جه بوظلي اخلاقي..

ولباااان.. لبان بقي صديقي الصدوق اشتكيله علي كل حاجه بتحصل كامشاكل او سياسه او تعليم واكتشفت ان حلم حياته يبقي رئيس جمهوريه مصر.. قولتله مفيش رئيس جمهوريه هيبقي اسمه لبان قالي هيبقي يغير اسمه.. ازاي دي برضه يعني..

ومشاهير الجامعه الي كل شويه اقابل حد مشهور يأما بيدرس او جي زياره مش عارفه انا في مكان اثري ولا جامعه عشان اتعلم فيها ولا ايه النظام، كان اخر حد اشوفه احمد عز وبعدين لمحت الفنان عبد الباسط حموده بس ملحقتش اتصور معاه.. انا فقريه فحت..

وبعد ما خلصت كتابه في مذكراتي وقفلت الكتاب لقيت هاني داخل الاوضه وماسك شنط كتير فحت، قفلت الكتاب بسرعه لحسن يقطعهولي وخبيته تحت السرير..

" كنتي بتعملي ايه يابت؟"

سألني وهو بيحط الشنط الكتير دي عالأرض وكانت اكياس كتير اكنه راح اشتري حاجات، بس انا مالي يعني يحطها بره الاوضه مش ناقصه..