ကိုယ့်လို ဘယ်သူမှ သံယောဇဥ် မထားတတ်တဲ့ လူတစ်ယောက်ကို ငြိတွယ်မှုတွေ စတင်ပေးနိုင်ခဲ့တဲ့ ပထမဆုံးသောသူက မင်းပါ 'ချမ်း'...
-----------------*------------------
"ဟျောင့်...မြတ်ကြီး
ကျောင်းသားသစ် နောက်တစ်ယောက် လာတယ် ထင်တယ်ကွ။ အဆောင်ရှေ့မှာ အထုပ်ပိုးတွေ ချနေတာ တွေ့တယ်"
ဒီနေ့က 'နိုင်' အဆောင်သို့ ပြောင်းရွှေ့ကာနေမဲ့ ပထမဆုံးသောနေ့။ အထုပ်အပိုးတွေကို နေရာတစ်ကျ ဖြေချနေစဉ်မှာပင်၊ 'မဟာမြင့်မြတ်' ရဲ့ ပခုံးကိုဖက်ကာ ဆိုလာသူက၊ မူလတန်းတည်းက ပေါင်းလာတဲ့ စပ်စုစိန်,သူငယ်ချင်း 'လင်းလက်ကြယ်စင်..'
"အေး အဲဒီတော့ ..."
"ဟ! မင်းကလဲကွာ အမြဲတမ်း ဒီလိုဘဲ။ တုံဏိဘာဝေ အေးတိအေးစက်ကောင်"
"ငါ ... အလုပ်ရှုပ်နေလို့"
"အေးပါ မောင်အသန့်လွန် မင်းမဟာသန့်ရေ.. မင်းက ပတ်ဝန်းကျင်ကို နည်းနည်းမှ စိတ်မဝင်စားဘူး။ နောက်ကျ ကိုယ့်အဆောင်သား သူငယ်ချင်းတွေ ဖြစ်လာမဲ့ဟာကို...တော်ပြီ.. အပေါ်ထပ်က ဘော်ဒါတွေဆီဘဲ Go တော့မယ်...မင်းလို အေးတိအေးစက်ကောင်နဲ့ စကားမပြောတော့ဘူး "
"..."
ဒီကောင်က မဟာမြင့်မြတ်နဲ့ ဆန့်ကျင်ဘက်ပင်။ social ကျတယ်၊ ပျော်ပျော်နေတတ်တယ်။ ဒါပေမဲ့ လင်းလက် ပြောသလို သူက အသန့်လွန်နေတာတော့ မဟုတ်ပေ။ ကိုယ် နေရမဲ့အခန်းမှ သပ်သပ်ရပ်ရပ် ရှိမနေရင် ဘယ်လိုမှ အိပ်လို့ရမှာ မဟုတ်လို့။ အဆောင် ရောက်ရောက်ချင်းကတည်းက မနားဘဲ သန့်ရှင်းရေး လုပ်နေရတာပင်။ ခုတော့ ပြီးသလောက်ရှိပြီမို့၊ ပစ်ရမဲ့ အမှိုက်တွေကို သက်သက်စုပြီး၊ အခန်းအပြင်ဘက်သို့ ထွက်ဖို့ရန် ပြင်လိုက်တယ်။
ထိုစဉ် မဟာမြင့်မြတ်ရဲ့ အခန်းရှေ့တည့်တည့်၊ တစ်နည်း သူတို့အဆောင်ရဲ့ Main တံခါးပေါက်ရှေ့မှာ အထုပ်အပိုးများစွာနဲ့၊ ကောင်လေးတစ်ယောက်ကို တွေ့လိုက်ရသည်။ ထိုကောင်လေးက အဆောင်တွင်းသို့ စမ်းတဝါးဝါးပုံစံနဲ့ လျှောက်ဝင်လာသည်။ မဟာ့ အခန်းနဲ့ဘေးကပ်ရပ် အခန်းနံပါတ် 8 ရှေ့ထိသို့၊ အထုပ်တွေ ဆွဲလာသည်။
YOU ARE READING
ချမ်း (オレの愛)【Completed】
RomanceRomance Story between two boys All about their young, wild, free love (Own Creation) (( Both Unicode & Zawgyi )) "ချစ်တယ်ဆိုတဲ့အရာက သိအောင် အချိန်တိုင်းပြောပြနေဖို့မလိုပေမဲ့.. နမည်တစ်ခွန်း ခေါ်လိုက်တိုင်း... သိပ်ချစ်တာ သိစေချင်တယ် မြတ်နိုးလွန်းလို့...
