Days of Counting Camellia (Hiatus)

[17]Ravens have claws '

Check Zawgyi version below ⬇️

#Unicode

" နင်တို့နှစ်‌ယောက် ဒီကနှင်းတွေကို မြန်မြန်လေး ရှင်းပေးစမ်းပါ ... တို့အိမ်ကသခင်မလေးက ဒီနေရာမှာ နေ့လည်စာစားဖို့ အလိုရှိတယ် "

Afa နှင့် Lila သူတို့အနားရောက်တာနဲ့ ခြေထောက်အောက်က နှင်းထုကို လက်ညိုးထိုးကာ ရှင်းခိုင်းလေသည် ။

Afa မှာ Xavia နန်းတော်၏ လုပ်ထုံးလုပ်နည်းတွေကို မသိတာမို့ ဘယ်လိုမှမတုန့်ပြန်ပဲ ငြိမ်နေလိုက်၏ ။ ဒါ့အပြင် ဂါဝန်ပြာနဲ့ မိန်းကလေးရဲ့ ပုံသဏ္ဌာန်သည် ကြီးကြီးကျယ်ကျယ် အရေးပါအရာရောက်သောသူ ဖြစ်ပုံရသည် ။

သို့သော် အကြောင်းသိ Lila ကတော့ ထိုသို့မဟုတ် ။ လက်ညိုးတထိုးထိုးနဲ့ သူမအား ခိုင်းစားချင်နေသော အစေခံမလေးကို ခါးထောက်ကာ ပြန်လှန်ကြည့်သည် ။

Lila : " ဘယ်အိမ်က သခင်မလေးလဲ ? "

Lila က ထိုမေးခွန်းကို အစေခံ၏နောက်၌ ရပ်နေသော သခင်မလေးဆိုသူကို တည့်တည့်ကြည့်ကာ မေးလိုက်တာဖြစ်၏ ။ မိမိနှင့်မဆိုင်သလို နှုတ်ဆိတ်ကာနေသော Jane ကိုတော့ Lila တစ်ယောက် မျက်လုံးချင်းမဆုံ ။

" ဒါက Fame အိမ်တော်က သခင်မလေး Eliza Fame ပဲ ။ မကြာခင် Xavia ရဲ့ပထမဦးဆုံး သတင်းနဲ့ဆက်သွယ်ရေးဌာနကို ဦးဆောင်မယ့်သူပဲ မှတ်ထား "

ထိုအစေခံသည် ခေါင်းမော့ရင်ကော့ကာ သူမ၏သခင်မလေး ကိုယ်စား ဂုဏ်ဖော်ဝင့်ကြွားလေသည် ။ သတင်းနှင့်ဆက်သွယ်ရေးဌာန ဆိုတာဟာ ခေတ်အဆက်ဆက် ဘယ်နိုင်ငံမှာမှ မရှိခဲ့သော ပထမဦးဆုံးဝန်ကြီးဌာနတစ်ခု ဖြစ်လာမည် မဟုတ်လား ။ သေချာပေါက် ထိုဌာနကို ဦးစီးမယ့်ပုဂ္ဂိုလ်ဟာ ဘယ်လောက်အရေးပါကြောင်း ရှင်းပြစရာတောင်မလို ။

ဒါပေမယ့် သူမ၏သခင်မလေးဆိုသူကတော့ မျက်မှောင်တွေကျုံ့သွားလေ၏ ။

Eliza : " Gina , အသံလျော့ ... ဒီနေရာက ဈေးတန်းမဟုတ်ဘူး အိ‌န္ဒြေရှိစမ်း ! "

သခင်ဖြစ်သူ၏ ဆူငေါက်ခံလိုက်ရမှ စွာကျယ်သောအစေခံလေးမှာ မျက်နှာအချိုးပြင်ပြီး ငြိမ်သွား၏ ။

Eliza : " Gina က အနေအထိုင်မတတ်လို့ လစ်လျှူရှုလိုက်ပါ ။ ဒါပေမယ့် ဒီနှင်းတွေကို ရှင်းပေးရင်တော့ အရမ်းအဆင်ပြေသွားမှာပဲ "