Days of Counting Camellia (Hiatus)

[42] The Golden Cage of Desire

Scroll down ⬇️ Zawgyi version is below .

#Unicode

မွေးဖွားလာစဥ်တည်းက နန်းတော်ကြီးတစ်ခုထဲ ပိတ်မိနေတဲ့ မင်းသမီးလေးတစ်ပါးအတွက် စိတ်ကူးတွေယဉ်ဖို့ အချိန်တွေ သိပ်ကိုများခဲ့၏ ။ လက်တွေ့ဘဝထက် အိပ်မက်ဆန်သော ဇာတ်လမ်းပုံပြင်ကလေးများက ပိုဆွဲဆောင်မှုရှိခဲ့၏ ။

မည်သူတစ်ဦးတစ်ယောက်ရဲ့ထိန်းချုပ်မှုမှမပါတဲ့ စိတ်ကူးအိပ်မက်များဟာ လွတ်လပ်တယ် ။ ဒါကြောင့်ပဲ အိပ်မက်တွေကို သူမ စွဲလမ်းခဲ့တယ် ။

သူမအား နာကျင်စေသည့် လူများရဲ့အဝေး ... သူမအား လက်တွေ့ဘဝဆီ နိုးထစေသော လူများရဲ့အဝေးမှာ တစ်ယောက်တည်း အိပ်မက်တွေထဲ ကူးခတ်ရင်းရှင်သန်ခဲ့တယ် ။ Raven နန်းတော်ကြီးထဲမှာ နိုးထနေလျက်နဲ့ ဘယ်လိုမှ of သူမ အသက်ဆက်နိုင်ခဲ့မှာ မဟုတ်ဘူးလေ ။ မျက်စိကိုမှိတ် နားကိုပိတ်ပြီး အိပ်မက်ပဲ မက်နေခဲ့တယ် ။

အဲသလိုမှ မလုပ်ရင် Afa ဟာ 'ချစ်သင့်သည့်သူတွေ' ကို မုန်းမိလိမ့်မည် ။ မိမိသွေးသားကို မုန်းမိတဲ့လူတစ်ယောက်ဟာ ပျော်ရွှင်မှုကို ဘယ်တော့မှ ပိုင်ဆိုင်နိုင်မှာမဟုတ်ဘူးလို့ သူမ ယုံကြည်ခဲ့သည် ။

ထိုစဉ်ကတည်းက Afa သည် လူတွေသတ်မှတ်ထားတဲ့ ' ပျော်ရွှင်မှု ' ဟူသော အရာကို မရရတဲ့နည်းနဲ့ လိုချင်ခဲ့သည် ။ တကယ်မရှိနေတဲ့ အရာတွေကိုတောင် လုပ်ကြံဖန်တီးယူရတဲ့အထိ ... သူမ မက်မောခဲ့သည် ။ မိမိအား မချစ်တဲ့ဖခမည်းတော်က မိမိကို ချစ်သယောင် ၊ မိမိအား မုန်းတဲ့အစ်မတော်က မိမိကို သံယောဇဉ်ရှိသယောင် ၊ မိမိအား ဆိုးရွားစွာ အနိုင်ကျင့်တတ်တဲ့ အစ်ကိုတော်တွေက မိမိကို မေတ္တာထားကြသယောင် ... Afa ဟန်ဆောင်ခဲ့သည် ၊ စိတ်ကူးခဲ့သည် ။ အရှိကိုအရှိအတိုင်းမြင်ရန် ငြင်းဆန်ခဲ့သည် ။ ထိုသို့ပြုခြင်းက သူမအား သက်သာစေသည် ။

ယခု အချစ်နဲ့တွေ့တော့လည်း အဲ့သလို လုပ်နေပြန်ပြီ ။

မိမိအား ဖမ်းစီးပိတ်လှောင်ထားတဲ့ ယောင်္ကျားတစ်ယောက်ရဲ့ လက်ထဲမှာ အသက်ရှူကြပ်စွာ ရှင်သန်နေရင်းပဲ ထိုသူကို ချစ်ကျွမ်းဝင်သွားခဲ့သည် ။ အကြင်သူက နှိပ်စက်တဲ့အခါလည်း ခွင့်လွှတ်ပေးကာ ၊ ဆော့ကစားတဲ့အခါ ရင်ခုန်မိသည် ။