Days of Counting Camellia (Hiatus)

[40]' Paradise on fire '

Scroll down ⬇️
Zawgyi version below.

#Unicode

Xavia Kain ကို နာမည်ပြောင်တွေ အများကြီးဖြင့် ‌လူတွေသိကြသည် ။ နာမည်ကောင်းတွေတော့မဟုတ် ။ ချဲ့ကားထားကြတာ များပေမယ့် အခြေအမြစ်မရှိတာမဟုတ် ။

နဂါးသွေးစင်စစ်ဖြစ်ပါလျက် သူရဲဘောကြောင်သူ ... ။ နိုင်ငံ့ ထိတ်တန်းသူရဲကောင်း Xavia Heath ၏ တစ်ဦးတည်းသောသား ဖြစ်ပါလျက် ကျောရိုးမရှိတဲ့သူ ... ။ သတ္တိနည်းသူ ၊ ပျော့ညံသူ ၊ အဖြစ်မရှိသူ ... ။

Xavia တော်ဝင်မျိုးရိုး ယောင်္ကျားသားတိုင်းဟာ သူတို့ပထမဆုံး ဓားကိုင်လိုက်တဲ့အချိန်ကစပြီး မဟာ့မဟာကိစ္စကြီးများကို ပြီးမြောက်စေခဲ့ကြသည်ချည်းသာ ။ မြင့်မားသော ဘွဲ့ဂုဏ်တို့ဖြင့် လူတော်အမြောက်အများသည် တော်ဝင်မျိုးနွယ်မှ ဆင်းသက်လာကြသည် ။

တစ်ဖက်တွင်မူ Kain သည် သူ ပထမဆုံး ဓားကိုင်ဖူးစဉ်က သမိုင်းရေးဖို့မပြောလေနှင့် , မိမိဓားဖြင့် မိမိဖာသာပြန်ရှမိကာ ၊ ‌ဒဏ်ရာကြောင့် ဖျားပြီး တစ်ပတ်တိတိ အိပ်ယာထဲလဲခဲ့သည် ။ စစ်ဗျူဟာစာ‌မေးပွဲလဲ အခါခါကျကာ ၊ ဖခင် ဦးဆောင်သော ခရမ်းမီးလျှံ သူရဲကောင်းတပ်စုထဲ အသက်ဆယ့်ခြောက်နှစ်ပြည့်မှ ဝင်နိုင်ခဲ့ပြီး ၊ အနိမ့်ဆုံး ကြေးပြားတပ်သားရာထူး အဆင့်မှ မတက်နိုင်ခဲ့ ။ သူနှင့် အသက်အရွယ်တူ တပ်သားတိုင်းဟာ အသက်ဆယ့်ခြောက်တွင် အနည်းဆုံးဗိုလ်လေးအဆင့် ရောက်နေကြ‌လေပြီ ။

သို့ပေမယ့် ဖခင်ဖြစ်သူဟာ Kain ကို ဘယ်တော့မှ တွန်းအားမပေးခဲ့ပါ ။ စိတ်ပျက်ခြင်း အရိပ်အယောင်လေးတောင်မပြခဲ့ ... ။ ဓားရေးသင်ပြီးခါစ ပွန်းပဲ့နေ‌သော လက်ဖဝါးလေးတွေကို အမေဖြစ်သူက ဆေးထည့်ပေးတိုင်း တရှုံ့ရှုံ့ငိုယိုနေတတ်သူ Kain ကို ဘေးနားမှနေ၍ ဖခင်သည် အစဉ်အမြဲ ချစ်ခင်မြတ်နိုးစွာ စောင့်ကြည့်နေခဲ့သည် ။

တစ်‌နေ့ သူ့အား တစ်ခွန်းသာပြောလာခဲ့သည် ။

Heath : " အခုတော့ ငိုလို့ရတယ် သား ။ ဒါပေမယ့် မင်းရဲ့ လက်ထဲက ဓားသွားဟာ အဆမတန်လေးလံလာတဲ့ တစ်နေ့ ငိုနေလို့မရတော့ဘူး "

ထိုစကားတွေကို Kain ယခု သဘောပေါက်ခဲ့ပါပြီ ။ သူ့လက်ထဲက အမြဲပေါ့ပါးခဲ့တဲ့ ဓားဟာ လွန်စွာလေးလံနေခဲ့ပြီ ။