Scroll down ⬇️
Zawgyi version is below#Unicode
ဘယ်အရာက သေချာစေတာလဲ မသိ ... ရှေ့ဆက်သွားရင် ရှင်ဘုရင်လေးကို ရှာတွေ့လိမ့်မယ်လို့ ယုံကြည်နေမိတယ် ။
Afa လေ ... ကံကြမ္မာကိုမယုံဘူး ၊ နှလုံးသားကို ယုံတယ် ။ အဲ့ဒီနှလုံးသားနဲ့ အလောင်းအစားလုပ်ပြီး တောရိုင်းကြီးကို ဖြတ်ကျော်ခဲ့တယ် ။
နေ့လည် မွန်းတည့်ချိန်မှာ Afa တို့ Laplace တောင်တန်းတွေဆီ ချဉ်းကပ်နိုင်ခဲ့ပြီ ။
Xavia ပြည်ဟာ နွေဦးရောက်ခဲ့ပေမယ့် Laplace တောင်တန်းတွေကတော့ ဆောင်းမှာကျန်ရစ်စဲ... ။ Laplace တောင်တန်းများတွင်သာ ကွက်ပြီး အချိန်တွေရပ်တန့်နေခဲ့သလို ... တောင်တွေပေါ် ၌ နှင်းများဖုံးလွှမ်းလျက် ဖွေးဖွေးဖြူနေခဲ့၏ ။
Laplace တောအုပ်ကြီးဟာလဲ အုံ့မှိုင်းအေးစက်ပါသော်လည်း တောင်တန်းများနှင့် နီးကပ်လာလေ ... အအေးဓာဏ်က ကြောက်ခန်းမလိ တိုးလာလေ ... ။ ကုန်းမြေမှာလဲ တဖြည်းဖြည်း မြင့်လာပြီး လေကိုဆန်တက်ရတာကြောင့် မြင်းပေါ်ကလူအဖို့ လွန်စွာခက်ခဲလေ၏ ။
ကြမ်းတမ်းသော မြေနေရာနှင့် ပြင်းထန်သောရာသီဥတုဒါဏ်ကြောင့် တချက်မနားပဲ အပြင်းနှင်ခဲ့တဲ့ Afa မှာ လွန်စွာ နွမ်းနယ်နေပြီ ။ မြင်းရဲ့အရှိန်ကြောင့် လေအေးတွေက ရင်ဖက်ဆီတိုက်ရိုက် တိုးဝင်ကာ အူကလီစာတွေအထိ အေးစေသည် ။ မြင်းဇာတ်ကြိုးကို ဆုပ်ကိုင်ထားတဲ့ လက်တွေမှာ လက်အိတ်တစ်ထပ်သာစွတ်ထားတာမို့ သိပ်အကူအညီမရ ... ။
တစ်လကျော်ကျော်လောက် အိပ်ယာထဲလဲနေရာကနေ မကြာသေးခင်ကမှ နာလန်ထူနိုင်တဲ့ လူတစ်ယောက်အပေါ် အအေးဓာတ်နှင့် ဆာလောင်မှုက သေချာပေါက်ကို အကြီးအကျယ် ဒုက္ခပေးတော့မည် ။
မောလွန်းတာကြောင့် သတိမထားမိပဲ ကောင်မလေးရဲ့ကိုယ်ဟာ တဖြည်းဖြည်းရှေ့သို့ ကိုင်းကျလာခဲ့သည် ။ ဒါကို ဘေးနားကနေ မြင်းတစ်ကောင်နဲ့ အတူလိုက်ပါတဲ့ Shadow က သတိထားမိ၏ ။
Shadow : " ရပ် ! ရပ် ! ခဏနားမှဖြစ်မယ် "
Afa လဲ ထိုအော်သံကြောင့် မြင်းကိုချက်ချင်းရပ်တန့်လိုက်ရကာ လူကိုလှည့်ကြည့်လိုက်သည် ။ ထိုသူမှာ သူ၏မြင်းပေါ်ကနေဆင်းပြီး Afa ဆီသို့ လျှောက်လာနေပြီ ။
YOU ARE READING
Days of Counting Camellia (Hiatus)
RomanceOwn-Creation.(R18+) လူတစ်ယောက်ဟာ မိမိ၏ ရန်သူအဖြစ်မှ အသက်ထက်ချစ်ရသူအဖြစ် ပြောင်းလဲသွားနိုင်သလား ? စစ်သုံ့ပန်းကျွန်မလေးနှင့် စစ်နိုင်သူရှင်ဘုရင်တို့ကြား အမုန်းပင်ကိုရေလောင်း၍ အချစ်မည်သောပန်းတစ်ပွင့် ပွင့်လန်းနိုင်မည်လော ? ✨ စစ္သုံ႔ပန္းကြၽန္မေလးႏွင...