╔═════ ࿇ ═════╗
အခန်း (၁၁)
ကိုယ့်ရဲ့လှပတဲ့ခရစ်လေး
╚═════ ࿇ ═════╝
ချစ်စဖွယ်ကလေးငယ်တစ်ယောက်ကဲ့သို့ တက်ကြွနေသောဂျရယ်မိုင်ရာကို ငေးကြည့်နေမိသည့် ခရစ်စတိုဖာ၏အပြုံးအပျော်များက တဒင်္ဂလေးသာ ကြာရှည်ခံခဲ့သည်။
သူ ဖြတ်ခနဲမြင်လိုက်ရသည်က ဂျရယ်မိုင်ရာ၏ကျောနောက်ဘက် မလှမ်းမကမ်းအကွာအဝေးမှာ ရပ်နေကြသောဂါဗင်နှင့်သူ့ဂိုဏ်းအဖွဲ့ပင်။ ခရစ်စတိုဖာ၏ခန္ဓာကိုယ်က တစ်စက္ကန့်၏အလင်းနူန်းမှာ ရေခဲသွားသကဲ့သို့ အေးစက်ကာတောင့်တင်းသွားသည်။
သူ့စိတ်ထဲတွင် မိုးမီးလောင်သွားခဲ့လျက် ...
' သေပြီ '
ဂျရယ်မိုင်ရာအနေနှင့် ဘာကိုမှမရိပ်မိသေးသောကြောင့် ဘုမသိဘမသိ ပြောလိုက်သည်။
" ဟေး ခရစ် ... Rollercoaster စီးကြမယ် "
" ဟမ် "
ခရစ်စတိုဖာ၏ရင်ထဲတွင် ဒိန်းခနဲ မိုးကြိုးတစ်ချက်ပစ်သွားသည်။ ထိုစဥ် ဂျရယ်မိုင်က ထပ်ပြောလာသည်။
" Rollercoaster စီးကြမယ်လို့ "
" မဖြစ်ဘူး "
" ဘာလို့ မူးတတ်လို့လား"
" မဟုတ်ဘူး"
" လာပါ ... သွားစီးကြမယ်။ မကြောက်နဲ့ ကိုယ်ရှိပါတယ်"
ဂျရယ်မိုင်ရာမှာ ခရစ်စတိုဖာဘက်က အတင်းငြင်းဆန်နေသည့်ကြားကနေ ခရစ်စတိုဖာ၏လက်ကို အတင်းအကြပ်ဆွဲခေါ်သွားသောကြောင့် သူ့အနေဖြင့် ဂါဗင်တို့ကို ဘယ်နည်းနှင့်မှ ရှောင်လွဲ၍မရတော့ပေ။ ဂါဗင်ကလည်း သူ့တပည့်အခြံအရံများဖြင့် ရိုလာကိုစတာစီးရန် လက်မှတ်ကောင်တာဘက်သို့ လာခဲ့သည်။ တက်ကြွနေသည့် ကိုကြက်ဖဂျရယ်မိုင်ရာကမူ ရှေ့ဆုံးခုံကနေစီးနိုင်ရန် ကောင်တာတွင် အသည်းအသန် လက်မှတ်ပြေးဝယ်သည်။
" ရှေ့ဆုံးတန်းက လက်မှတ်နှစ်စောင်ပေးပါ မယ်ချောလေး"
လက်မှတ်ရုံက ကောင်မလေးကို မျက်စိမှိတ်ပြလိုက်လျှင် ကောင်မလေးကလည်း ပြုံးစိစိဖြင့် သူ့တောင်းဆိုမှုအတိုင်း ရှေ့ဆုံးတန်းထိုင်ခုံနှစ်ခုံစာ လက်မှတ်နှစ်စောင်ဖြတ်ပေးလိုက်၏။ ဂျရယ်မိုင်ရာက လက်မှတ်များရလျှင်ရချင်း ခရစ်စတိုဖာဆီ ပြန်လာသောအခါ ချက်ချင်းလဲသေတော့မည့်ပုံစံဖြင့် ကြောက်လန့်တုန်လှုပ်နေသောအမူအရာကို တွေ့လိုက်ရသည်။
YOU ARE READING
𝐈𝐦𝐦𝐨𝐫𝐭𝐚𝐥 𝐅𝐨𝐞𝐬 // OC Completed//
Fantasyချယ်ရီကြွေတွေပေါ်မှာ ဒူးထောက်ကာ တောင်းပန်ပြီးနောက် ... ဒီအမတလမ်းခရီးမှာ မင်းတစ်ယောက်သာ ကိုယ်ရူးရမိပါကြောင်း ... ချယ်ရီပန်းတွေကို သက်သေထားကာ ချစ်ရေးဆိုပါရစေလား ... ။ ◃───────────▹ ခ်ယ္ရီေႂကြေတြေပၚမွာ ဒူးေထာက္ကာ ေတာင္းပန္ၿပီးေနာက္ ... ဒီအမတလမ္းခရီးမွ...
