╔═════ ࿇ ═════╗အခန်း (၂၀)
အနမ်းခြွေတော်သည့်လူ
╚═════ ࿇ ═════╝
ဤသို့ဖြင့် ဂျရယ်မိုင်ရာ၏တိုက်ခန်းထဲသို့ အကုန်လုံးရောက်ရှိလာကြသည်။ သူတို့အားလုံးကို ဂျရယ်မိုင်ရာက ဧည့်ခန်းထဲမှာထားခဲ့ပြီး မွန်ဒီနှင့်အတူ သူတို့ဝယ်လာသောအထုပ်များကို နေရာချနေခဲ့သည်။ ဒေါမနစ်နှင့် ကျန်ဘိုးတော်ကြီးများကတော့ တိုက်ခန်းအတွင်း နေရာအနှံ့လှည့်လည်ကြည့်ရှုနေကြသည်။ ထို့နောက် သူတို့စပ်စုချင်တိုင်း စပ်စု၍ပြီးသွားကြသည့်အခါ ဧည့်ခန်းရှိ ဆိုဖာခုံရှည်များပေါ်တွင် နေရာတကျထိုင်နေကြသည်။
" ငါတို့ကတော့ ဒင်းကို အင်္ဂလန်တစ်ခွင် ပြဲပြဲစင်အောင် မြေလှန်ရှာခဲ့ရတာ ခုကျတော့ မောင်မင်းကြီးသားက ဒီမှာနေနေတာကိုး... "
အဘင်ဖြစ်သူ အဒေါနစ်က ဂျရယ်မိုင်ရာအား ဖရီးမန်းတစ်မျိုးလုံး ရက်သတ္တပတ်အတော်ကြာ ပင်ပင်ပန်းပန်းရှာဖွေခဲ့ကြရသည့်နေ့ရက်များကို မြင်ယောင်လာသောကြောင့် မကျေနပ်မှုရေးတေးတေးဖြင့် ပြောလိုက်သည်။ ယခုအခါတော့ ဂျရယ်မိုင်ရာကို အလွယ်တကူ ရှာတွေ့ခဲ့ကြပြီးဖြစ်သည်။
မည်သို့မည်ပုံ ရှာဖွေတွေ့ရှိခဲ့ကြသည်ကတော့....။
လွန်ခဲ့သော ၂ ရက်ကဖြစ်သည်။ မထင်မှတ်ထားသည့်နေရာတစ်ခုတွင် ဆိုင်တစ်ဆိုင်ထဲမှ ပစ္စည်းများနှင့်အတူ ထွက်လာသော ဂျရယ်မိုင်ရာအား အဘိုးဖြစ်သူ ဂရေဟမ်က တွေ့ရှိခဲ့သည်။ ထို့ကြောင့် ဖရီးမန်းဘိုးတော်ကြီးများက ယနေ့တွင် ဂျရယ်မိုင်ရာကို စောင့်ဖမ်းဖို့ ပြင်ဆင်ခဲ့ကြခြင်းသာ။ ဂျရယ်မိုင်ရာ စံအိမ်တော်သို့ပြန်မလိုက်လျှင်လည်း သူ့အားဝိုင်းသမဖို့ လက်သီးလက်မောင်းတန်းလာခဲ့ကြသည်။
သို့သော် ဂျရယ်မိုင်ရာက ယခုအချိန်တွင် အလွန်တည်ငြိမ်အေးဆေးနေပြီဖြစ်သောကြောင့် သူတို့လည်းအခြေအနေပေါ်မူတည်ပြီး အိမ်တော်ပြန်လာရန် စည်းရုံးဖို့ လွယ်ကူလောက်သည်။
YOU ARE READING
𝐈𝐦𝐦𝐨𝐫𝐭𝐚𝐥 𝐅𝐨𝐞𝐬 // OC Completed//
Fantasyချယ်ရီကြွေတွေပေါ်မှာ ဒူးထောက်ကာ တောင်းပန်ပြီးနောက် ... ဒီအမတလမ်းခရီးမှာ မင်းတစ်ယောက်သာ ကိုယ်ရူးရမိပါကြောင်း ... ချယ်ရီပန်းတွေကို သက်သေထားကာ ချစ်ရေးဆိုပါရစေလား ... ။ ◃───────────▹ ခ်ယ္ရီေႂကြေတြေပၚမွာ ဒူးေထာက္ကာ ေတာင္းပန္ၿပီးေနာက္ ... ဒီအမတလမ္းခရီးမွ...