╔═════ ࿇ ═════╗
𝕮𝖍𝖆𝖕𝖙𝖊𝖗 13
𝕿𝖍𝖊 𝕭𝖊𝖆𝖚𝖙𝖎𝖋𝖚𝖑 𝕶𝖎𝖒𝖔𝖓𝖔
╚═════ ࿇ ═════╝
မနက် ၁၀ နာရီဖြစ်သည်။ မှန်ပြတင်းပေါက်အတွင်းဘက်ရှိ ကန့်လန့်ကာများကြားထဲမှ လွတ်လပ်နေသော နေရာလွတ်ငယ်ထဲကနေ နေရောင်ခြည်အလင်းတန်းတစ်ခုက ခရစ်စတိုဖာ၏မျက်နှာပေါ်သို့ ဖြာကျနေခဲ့သည်။
ခရစ်စတိုဖာမှာ ဂျရယ်မ်ိုင်ရာ အိပ်ရာမထလာခင် အရင်နိုးလာသည်။ သူ့မျက်လုံးများက သူ့မျက်နှာတည့်တည့်ရှိ မျက်နှာကျက်တစ်နေရာတည်းကို တွေဝေစွာ ကြည့်နေခဲ့၏။
ဂျရယ်မိုင်ရာလည်း ခဏအကြာမှာ နိုးလာခဲ့ပြီး ခရစ်စတိုဖာဘက်ကို မျက်နှာလှည့်လိုက်သည်။
" နိုးနေပြီလား "
" အေး "
" ကိုယ့်မိန်းမရဲ့ အိပ်ယာနိုးတဲ့ပုံလေးကလှသား "
" ငါ မင်းကို သွားကျွတ်အောင် ထိုးပေးရမလား "
" ခစ်ခစ် "
နှစ်ယောက်သားမှာ အိပ်ရာမထသေးဘဲ ကုတင်ပေါ်တွင် မျက်နှာကြက်ကို အတူတူကြည့်နေမိကြသည်။ အတွေးများကိုယ်စီဖြင့် မျက်နှာကြက်ကို စိုက်ကြည့်နေခဲ့ကြလျက်။ ထို့နောက် ၁၅ မိနစ်ကျော်လာသောအချိန်တွင် ခရစ်စတိုဖာဘက်ကနေ စကားစပြောခဲ့သည်။
"ငါ့ကို မင်း အားနည်းတဲ့ကောင်လို့ မြင်နေလား..."
"မမြင်ပါဘူး။ မင်းက သန်မာနေတာပဲလေ။ ဘာလို့မေးတာလဲ။"
"မင်းအမြင်မှာ ငါဆိုတာ သိပ်အားနည်းနေတဲ့မြေခွေးဆိုပြီး အထင်သေးနေတယ်ထင်လို့။"
"အဟက်...ဘယ်တုန်းကမှ မင်းကိုအထင်မသေးခဲ့သလို ဘယ်တော့မှလည်း အထင်သေးမှာ မဟုတ်ဘူး။ ဒါကို ယုံလိုက်။ မင်းကိုယ်မင်း အားနည်းနေတယ်လို့ ထင်လာတိုင်းမှာ ဂျရယ်မိုင်ရာဆိုတဲ့ကောင်ကို မြင်ပေး။"
YOU ARE READING
𝐈𝐦𝐦𝐨𝐫𝐭𝐚𝐥 𝐅𝐨𝐞𝐬 // OC Completed//
Fantasyချယ်ရီကြွေတွေပေါ်မှာ ဒူးထောက်ကာ တောင်းပန်ပြီးနောက် ... ဒီအမတလမ်းခရီးမှာ မင်းတစ်ယောက်သာ ကိုယ်ရူးရမိပါကြောင်း ... ချယ်ရီပန်းတွေကို သက်သေထားကာ ချစ်ရေးဆိုပါရစေလား ... ။ ◃───────────▹ ခ်ယ္ရီေႂကြေတြေပၚမွာ ဒူးေထာက္ကာ ေတာင္းပန္ၿပီးေနာက္ ... ဒီအမတလမ္းခရီးမွ...