Big Bossကြီးရဲ့ကိုယ်ထဲ ကူးပြောင်းပြီး ဗီလိန်လေးကိုအရယူမယ် {ဘာသာပြန်}

[ 4 8 ]

[Unicode]

အင်တာနက်ပေါ်က အကြောင်းအရာတွေကို လင်းကျီက နောက်ဆုံးမှ သိရလေတယ်။ သူ ကောင်းနင်းဖုန်း‌ကောကို လက်ခံရတုန်းကဆို သူ ရိုက်ကူးလို့ ပြီးတုန်းရှိသေးတယ်။ 

"ဘာဖြစ်လို့လဲ?"သူ ခေါင်းကိုမော့ပြီး မိတ်ကပ်ဖျက်နေရင်း ဩရှရှအသံဖြင့် မေးမြန်းလိုက်တယ်။

သူ ရိုက်ကူးရေး လုပ်နေတုန်းကလည်း ရှောင်ရှင်းနဲ့ အားလျန့်တို့ ဘေးမှာ အတူတူ မတ်တပ်ရပ်နေတာကို မြင်ပြီးပြီဆိုတော့ ကိစ္စကြီးတစ်ခုခု ဖြစ်လို့များလားဆိုပြီး တွေးနေမိတယ်။

ကောင်းနင်းက အခြေအနေကို ရေခဲတမျှ အေးစက်‌သော အသံဖြင့် အတိုချုံး ရှင်းပြလိုက်တယ်။

[ ငါ အနုပညာလောကမှာ ကျင်လည်လာတာ ဒီလောက်နှစ်တွေ အများကြီး ရှိနေပြီ။ ဒီလိုဦးနှောက်ပျက်စီးနေတဲ့ ဒါရိုက်တာမျိုးကိုတော့ ပထမဆုံး မြင်ဖူးတာပဲ။ မင်း အိမ်ကိုသာ စိတ်အေးအေး ပြန်။ ငါ ပြည်သူ့ဆက်ဆံရေးအဖွဲ့နဲ့ ဆက်သွယ်ပြီး အချိန်ပိုတစ်ချို့ လုပ်ခိုင်းထားပြီးပြီ။ အခု အင်တာနက်မှာ ဖြစ်နေတာတွေအတွက် မစိုးရိမ်နဲ့။ မင်း လိုင်းပေါ်တက်ချင်ရင်လည်း မင်းရဲ့ side အကောင့်ကိုပဲ သုံးထားနှင့်။ ဒီလိုကိစ္စတွေကို လုပ်ရဲလောက်တဲ့ ကြီးမြတ်လှစွာသော နတ်ဘုရားဒါရိုက်တာကြီးကို တစ်ချက်မြင်ကြည့်ပါရဲ့။ ]

လင်းကျီ မျက်မှောင်ကြုပ်လိုက်တယ်။

ဒါရိုက်တာနျန်က တည်းဖြတ်ရေးမှာ တကယ်ပဲ ကူလီကူမာ လုပ်ခဲ့တာလား? အတော်ကြီး မယုံနိုင်စရာ ကောင်းနေတယ်။

"သူ ဒီလိုကိစ္စမျိုး လုပ်ရတဲ့ အကြောင်းရင်းကို ကျဲသိလား?" ရိုက်ကူးရေး လုပ်ချိန်တုန်းကတော့ ဒါရိုက်တာနျန်က သိသိသာသာကို ပရော်ဖက်ရှင်နယ်တစ်ယောက်ပါ။ ဒါ‌ဆို သူ အခန်းတွေကို ဘာလို့များ ကြုံသလို လျှောက်ဖြတ်ပစ်လိုက်ရတာလဲ?

ကောင်းနင်းက အံဆွဲကို ဒေါသထွက်စွာ ဖွင့်ပြီး အမျိုးသမီးများအတွက် ဆေးလိပ်ဖျက် ပီကေတစ်လုံးကို ထုတ်ယူလိုက်တယ်။

[ငါ့မှာ သတင်းအတိုအစတစ်ခုရှိပေမဲ့ အမှန်လား အမှားလားတော့ မသိဘူး။ အများပြောတာတော့ ဒါရိုက်တာနျန်နဲ့ ရှောင်းဇီချီရဲ့ အေးဂျမ့်တို့က ဒီ'မြင့်မြတ်လှတဲ့ သဘောတူညီမှု' ကြီးကို ပြုလုပ်ခဲ့တာတဲ့လေ။ သူသာ ရှောင်းဇီချီကို screen time ပိုရ‌အောင် လုပ်ပေးရင် သူတို့ဖက်ကလည်း သူတို့ဖန်တွေကို ဒီဇာတ်လမ်းတွဲကို တစ်လျှောက်လုံး အားပေးခိုင်းဖို့ တာဝန်ယူပါတယ်တဲ့လေ။ ရှောင်းဇီချီမှာ  ဖန်သန်း၄၀ကျော်တယ်လို့ ပြောရမှာ နည်းနည်း ပုံကြီးချဲ့တယ်ဆိုပေမဲ့လည်း သူက တကယ်လည်း နာမည်ကြီးidolလေ။ ဒီလိုသာဆို လုံးလုံးအဓိပ္ပာယ်မရှိတာတော့ မဟုတ်နိုင်ဘူး။]