ရှောင်းကျန့် ကျောင်းဆင်းတော့ ပင်ပန်းနေလေပြီ။အကြောင်းကတော့ နေရာတကာ ပါလေသူကြီးပီပီ အတန်းခေါင်းဆောင်ဖြစ်နေသဖြင့် ဆရာမတွေအခန်းကို ခေါက်တုံ့ခေါက်ပြန် သွားနေရလို့ ဖြစ်သည်။
သူတို့အတန်းက အပေါ်ထပ်မှာမို့ လှေကားကနေ ဆင်းနေချိန်မှာ ခြေချော်ကာ ပြုတ်ကျမလို ဖြစ်သွားလေသည်။
ဖန်မုဟန်နဲ့ ရီချုံမိုလည်း အလန့်တကြား ဖြစ်သွားသည်။သူတို့က ရှောင်းကျန့်ထက် လှေကားဆင့်ငါးဆင့်စာ နောက်ကျနေသည်မို့ လှမ်းဆွဲလို့ မရပေ။
ရှောင်းကျန့်တစ်ယောက် သူပြုတ်ကျတော့မယ်လို့ ထင်လိုက်စဥ် တစ်ယောက်ယောက်က သူ့ခါးကို ပွေ့လိုက်သလို ခံစားရသည်။
ထို့နောက် ကိုယ်က တစ်ပတ်လည်သွားပြီး ဟန်ချက်ထိန်းနိုင်သွားသည်။ဖန်မုဟန်တို့တောင် မျက်လုံးမှောက်သလို ခံစားလိုက်ရသည်။
"ရှောင်းကျန့်.....မိုက်လှချည်လားကွ"
ရှောင်းကျန့် အထိတ်တလန့်နဲ့ တစ်ခုခု မူမမှန်သလို ခံစားနေရသော်လည်း သူ့ကို မြှောက်ပြောနေတဲ့စကားကြောင့် မျက်နှာကို မော့လိုက်လေသည်။
"ဒါပေါ့....ငါ့လို အရာရာမှာ ပြီးပြည့်စုံတဲ့သူတစ်ယောက်က လှေကားကနေ ပြုတ်ကျပါ့မလား...ပြီးတော့ ငါက မင်းတို့လို ငပျော့တွေမဟုတ်တော့ ဟန်ချက်ကို အသာလေး ထိန်းလိုက်နိုင်တယ်လေ"
"ကံကောင်းသွားလို့ပါ....မင်းလို မီတာ၁၀၀ကို နောက်ဆုံးမှ ပန်းဝင်တဲ့သူကများ လေကြီးနေတယ်"
"ဟုတ်တယ်....အားကစားပွဲတိုင်း ပါပေမဲ့ ဘယ်နှခါများ ဆုရဖူးလို့လဲ"
ရှောင်းကျန့် သူ့ကို ဘေးပြောနေတဲ့ ထိုနှစ်ယောက်အား မျက်မှန်ကြီးနဲ့ မျက်စောင်းထိုးရင်း အဆောင်ကိုသာ ပြန်တော့သည်။
လမ်းတစ်လျှောက်မှာ ရှိနေသည့် ဝိဉာဥ်သရဲတွေကတော့ ရှောင်းကျန့်အနောက်က အရိပ်မဲတစ်ခုကြောင့် ရှောင်းကျန့်တို့ကို ဝေးဝေးကသာ ရှောင်ကြတော့သည်။
............
အဆောင်ပြန်ရောက်တော့ လန်းဆန်းအောင် ရေချိုးခန်းထဲကို ရှောင်းကျန့်တစ်ယောက် မျက်မှန်ချွတ်ပြီး ဝင်တော့သည်။ရေပန်းကရေတွေ သူ့ခေါင်းကို ကျချိန်မှာ စိတ်လည်းလန်းဆန်းသွားသည်။
YOU ARE READING
Ding-dong(Season 1)(Completed)
Fanfictionရှောင်းကျန့် "အားး.....ရိပေါ်....ငါသရဲကြောက်တတ်တယ်...ငါ့ကို ဖက်ထားပေး" ဝမ်ရိပေါ် "ကိုယ်ကလည်း သရဲဘဲလေ" ရှောင်းကျန့် "......"
