ရှောင်းကျန့် စိတ်ငြိမ်အောင် ဝမ်ရိပေါ်က သူ့ရင်ခွင်ထဲ ထည့်ဖက်ထားသည်။ရှောင်းကျန့်ကတော့ စိတ်အေးအေးထားကာ ဝမ်ရိပေါ်ရဲ့ ပေါင်မုန့်တွေကို ထိနေသည်။
ထိုမြင်ကွင်းကို မြင်နေရတဲ့ ဖန်မုဟန်ဟာ မနေနိုင်တော့ဘဲ ရှောင်းကျန့်အား မေးလိုက်သည်။
"ရှောင်းကျန့်...ငါနားမလည်တော့ဘူး"
"ဘာကိုလဲ"
"မင်းက ကြောက်နေတာလား....ဒါမှမဟုတ် နှာဘူးထနေတာလား"
"ရိပေါ်ရဲ့ဝမ်းဗိုက်ကြွက်သားတွေက တောင့်တင်းနေတာဘဲ...အရမ်းမိုက်တယ်...အဲ့တာက ငါ့ရဲ့ကြောက်စိတ်ကို ဖျောက်ပေးနိုင်တယ်...ငါ့ရဲ့ logicကတော့ ပေါင်မုန့်တွေကိုထိရင် အကြောက်ပြေတယ်..."
တစ်ဖွဲ့လုံး "......"
ပိုင်ယန်စန်းဟာ ချောင်းဟန့်ကာ အခုအခြေအနေကို အာရုံစိုက်စေလိုက်သည်။ဒီပုံစံအတိုင်းသာဆို သူကသာ ဦးဆောင်ရမဲ့ကိန်းရှိသည်။
"အခု ငါတို့အားလုံးအတူတူ လှေကားရှာရအောင်"
"လှေကားရှာတာတော့ ဟုတ်ပါတယ်....ဒါပေမဲ့ လှေကားကို လွယ်လွယ်နဲ့တော့ ရှာတွေ့မယ်မထင်ဘူး"
"ဟုတ်တယ်....လျှို့ဝှက်အခန်းတွေဘာတွေများ ရှိမလား"
ရှောင်းကျန့်ဟာ နှစ်ယောက်တစ်ကမ္ဘာ စကားပြောနေကြသည့် ရီချုံးမိုနဲ့ ပိုင်ယန်စန်းတို့စကားဝိုင်းထဲသို့ ဝင်ပါလိုက်သည်။
သူက ခုနက ကြောက်ကြောက်နဲ့ အော်ဟစ်ခဲ့တုန်းက မှန်တစ်ဖက်ကွဲသွားသည့် မျက်မှန်ကို ပင့်တင်ရင်း ဆရာကြီးအထာနဲ့ စကားပြောလိုက်သည်။
"ငါ့ရဲ့ အသက်တစ်ဝက်လောက်က ရုပ်ရှင်ကြည့်ရင်း ကုန်ဆုံးလာခဲ့တာ....လူသတ်ကား စုံထောက်ကား သိပ္ပံကား ငါအကုန်ကြည့်လာခဲ့တာ...အဲ့ဒီအတွေ့အကြုံတွေအရ လှေကားက နံရံထဲမှာ ဖြစ်နိုင်တယ်"
သူ့စကားဆုံးတာနဲ့ ဖန်မုဟန်ရဲ့ နာရင်းအုပ်တာကို ခံလိုက်ရသည်။ရန်ပြန်တွေ့ဖို့ ပြင်လိုက်ပေမဲ့ ဝမ်ရိပေါ်ရှိနေတာကြောင့် ဝမ်ရိပေါ်ရင်ခွင်ထဲ တိုးဝင်ကာ ငိုမဲ့ငိုမဲ့ဖြင့် နေလိုက်သည်။
YOU ARE READING
Ding-dong(Season 1)(Completed)
Fanfictionရှောင်းကျန့် "အားး.....ရိပေါ်....ငါသရဲကြောက်တတ်တယ်...ငါ့ကို ဖက်ထားပေး" ဝမ်ရိပေါ် "ကိုယ်ကလည်း သရဲဘဲလေ" ရှောင်းကျန့် "......"
