ရှောင်းကျန့်တို့ ငါးထပ်မြောက်ကို ရောက်တော့ ပတ်ဝန်းကျင်ကလည်း မဲမှောင်နေကာ ဘာကိုမှသေချာမမြင်ရပေ။အစက လှေကားပေါ်တက်လိုက်တာနဲ့ အဆုံးမှာ တံခါးရှိမယ်လို့ထင်ခဲ့ပေမဲ့ လှေကားထိပ်ဆုံးလည်းရောက်ကော ငါးထပ်ကို တန်းရောက်လာလေသည်။
ရောက်တာနဲ့ သူတို့မှာ ရီချုံးမိုတို့အဖွဲ့နဲ့ဆုံချင်ပါသော်လည်း အခုတော့ တစ်ယောက်ကိုတစ်ယောက်တောင် သေချာမမြင်ရတာမို့ အသံလာရာကိုသာ လိုက်ရှာလိုက်သည်။
ဝမ်ရိပေါ်ဟာ ရှောင်းကျန့်လက်ကိုသေချာကိုင်ထားပြီး သတိအပြည့်ကပ်ထားလေသည်။သူ့ရဲ့မသိစိတ်က အန္တရာယ်လို့ သေချာပြောနေတာမို့လို့ပင်။
ထိုစဥ် လေတစ်ချက်ဝှေ့တိုက်သွားပြီး 'ဝူး ဝူး ဝူး'ဆိုတဲ့ တစ်ခုခုလာနေသလိုအသံကြီးကို ကြားလိုက်ရသည်။သူတို့တစ်ဖွဲ့လုံး ကြက်သီးတွေထသွားကာ နှလုံးသားက အောက်ပြုတ်ကျတော့မလို ခံစားလိုက်ရသည်။
သူတို့အားလုံး ထိတ်လန့်နေကြစဥ် ဝမ်ရိပေါ်ဆီမှ အော်ပြောသံကို ကြားလိုက်ရသည်။
"ပြေးကြတော့"
ဝမ်ရိပေါ် သူကသရဲမို့လို့ အမှောင်ထဲမှာအကုန်မြင်ရလေသည်။သူတို့ဆီကိုလာနေတဲ့ကြောက်မက်ဖွယ်အရာကြီးကြောင့် ရှောင်းကျန့်ကိုပွေ့ချီကာ ပြေးတော့သည်။
ပိုင်ယန်စန်းနဲ့ဖန်မုဟန်က ဝမ်ရိပေါ်တို့အနားမှာမို့ ဝမ်ရိပေါ်ပြေးတာနဲ့ သူတို့ပါလိုက်ပြေးလေသည်။မမြင်ရပေမဲ့ ခြေသံကနေ ပြေးမဲ့ဘက်ကို မှန်းဆပြီး ပြေးရသည်။
တစ်ဖွဲ့လုံး ပြေးချင်တဲ့ဘက်ကိုသာ ပြေးကြတော့သည်။ရှောင်းကျန့် ဝမ်ရိပေါ်လည်ပင်းကိုသေချာဖက်ထားပြီး ထိတ်လန့်နေမိသည်။
သူတို့ပြေးနေတာတောင် ထိုဘာမှန်းမသိမမြင်ရတဲ့ အရာကြီးလိုက်လာတဲ့အသံကြီးကို ကြားနေရသည်။ထို့ပြင် သူတို့က ဘာကိုမှ သေချာမမြင်ရတာမို့ အရှေ့မှာ ချောက်ကြီးရှိရင်တောင် သိမှာမဟုတ်။ထို့ကြောင့် ပြေးနေရင်တောင် အန္တရာယ်များလေသည်။
ဝမ်ရိပေါ်က သေချာမြင်ရတာမို့ သူတို့ရောက်နေတာကတောအုပ်ကြီးတစ်ခုမှန်း သိလေသည်။သူတို့အနောက်မှာ ရှောင်းကျန့်သူငယ်ချင်း ဖန်မုဟန်နဲ့ပိုင်ယန်စန်းတို့ ပါသည်မို့ သစ်ပင်တွေနဲ့မတိုက်မိအောင် အော်ပြောနေရသည်။
JE LEEST
Ding-dong(Season 1)(Completed)
Fanfictieရှောင်းကျန့် "အားး.....ရိပေါ်....ငါသရဲကြောက်တတ်တယ်...ငါ့ကို ဖက်ထားပေး" ဝမ်ရိပေါ် "ကိုယ်ကလည်း သရဲဘဲလေ" ရှောင်းကျန့် "......"
