ရှောင်းကျန့် ဝမ်ရိပေါ်လက်ကိုတွဲကာ ကားလမ်းမကြီးပေါ် လမ်းလျှောက်နေရင်း ဒီတတိယထပ်မှာ ဘယ်အန္တရာယ်တွေများ ပေါ်လာမလဲဆိုပြီး တွေးတောနေသည်။
သူ့မှာ မျက်မှန်ကို ပင့်တင်ချင်ပေမဲ့ မှန်တွေက ကွဲကုန်ပြီမို့ ချွတ်ထားရသည်။တော်ကြာ သူကအရူးနဲ့တူတယ်ဆိုပြီး ဝမ်ရိပေါ်က ထားသွားမှဖြင့် အပြင်ဘက်ကမ္ဘာကို ပြန်မရောက်ခင် ဘဲပစ်ကောင်ဖြစ်သွားလိမ့်မည်။
"ရိပေါ်...ဟိုမိန်းမကြီးက လှေကားရှာဖို့ ဘာမှမပြောသေးဘူးနော်"
"ဟုတ်တယ်"
"အရင်ကဆို အကုန်လုံး တတိယထပ်ရောက်တာနဲ့ သူမက လှေကားရှာဖို့ သတ်မှတ်ချိန်တွေ ပေးရမှာလေ"
ပိုင်ယန်စန်းက ဝင်ပြောလိုက်သည်။အခုထိ ဘာအသံမှ မကြားရတာက ပုံမှန်မဟုတ်သဖြင့် သူတို့အားလုံး အနည်းငယ်တော့ မသင်္ကာ ဖြစ်လာကြသည်။
ထိုပြင် ပတ်ဝန်းကျင်ကလည်း သူတို့ရပ်နေကြသည့် လမ်းမကြီးနဲ့ ဘေးကချုံပုတ်အနည်းငယ်သာ ဖြစ်သဖြင့် ရှင်းလင်းလွန်းကာ ဘာအန္တရာယ်မှ မရှိသည့်ပုံပင်။နေရောင်ကလည်း တောက်ပနေတာကြောင့် သာယာတဲ့နေ့လေးတစ်နေ့လိုပင် ဖြစ်နေသည်။
"အိုး....ငါ့ရဲ့ အသံချိုချိုလေးကို စောင့်မျှော်နေကြတဲ့သူတွေရေ...မင်းတို့ရဲ့ missionကို ကြေညာပေးမယ်နော်...ဒီတစ်ခေါက်က missionက အချိန်အကန့်အသတ်မရှိဘူး...ပြီးတော့ စိတ်လှုပ်ရှားဖွယ်ရာတစ်ခုလည်း ရှိသေးတယ်...အားလုံးအတွက် သတိပေးစရာကတော့ တစ်နာရီခြားတစ်ခါ နေ့ဘက်ကနေ ညဘက် ပြောင်းသွားတတ်တယ်...ကဲ...ကဲ...ညဘက်မှာ ထွက်ပေါ်လာတတ်တဲ့ ချစ်စရာလေးတွေကို ရင်ဆိုင်လိုက်ကြနော်"
လူတိုင်း ရုတ်တရက် ထွက်ပေါ်လာတဲ့ အသံကြောင့် ထိတ်လန့်သွားကြပေမဲ့ သူမကြေညာတဲ့အရာတွေကြောင့် ပိုပြီး ထိတ်လန့်သွားရသည်။
ထို့ပြင် သူတို့ဒီတတိယအထပ် ရောက်နေတာက တစ်နာရီပြည့်တော့မည်မို့ ပိုဆိုးသွားသည်။လမ်းမကြီးက ရှင်းလင်းကာ ပုန်းစရာတွေမရှိသောကြောင့် ဘယ်မှာပုန်းရမယ်မှန်း မသိကြပေ။
![](https://img.wattpad.com/cover/291942312-288-k191192.jpg)
YOU ARE READING
Ding-dong(Season 1)(Completed)
Fanfictionရှောင်းကျန့် "အားး.....ရိပေါ်....ငါသရဲကြောက်တတ်တယ်...ငါ့ကို ဖက်ထားပေး" ဝမ်ရိပေါ် "ကိုယ်ကလည်း သရဲဘဲလေ" ရှောင်းကျန့် "......"