ရှောင်းကျန့်တို့ ခဏအနားယူပြီးနောက် ရှေ့ကိုဆက်လျှောက်ကြသည်။ဒီလိုအခြေအနေမျိုးတွေကို ခဏခဏကြုံနေရတော့ လက်ခံနိုင်စွမ်း မြင့်မားလာကြသည်။ထို့ကြောင့် တစ်ခုခုဖြစ်ပြီးတာနဲ့ အမြန်ပင် စိတ်ပြေသွားပြီး လှေကားကိုသာ ရှာဖွေဖို့ စိတ်စောသွားကြသည်။
သို့သော် အဖြစ်မှန်က သူတို့ကို စိတ်ပျက်စေသည်။ဒီအဆုံးမဲ့ ကားလမ်းမကြီးမှာ ဘာသဲလွန်စကိုမှ ရှာမရဖြစ်နေသည်။
ဉာဏ်ကြီးရှင် ဝမ်ရိပေါ်တောင် ဆက်လျှောက်ရမလား ရပ်လိုက်ရမလား တွေးနေတော့သည်။ထို့နောက် ဝမ်ရိပေါ်က နောက်ပြန်လှည့်ရန် ဆုံးဖြတ်ချက်ချလိုက်သည်။
အရင်ခွဲထွက်သွားတဲ့ အုပ်စုရဲ့အခြမ်းမှာ သဲလွန်စရှိနိုင်တယ်လို့ တွေးမိတာကြောင့်ပင်။လူတိုင်းလည်း လက်ခံကြပြီး နောက်ပြန်လှည့်ကြတော့သည်။
သို့သော် ရှောင်းကျန့်လို ကျောင်းရဲ့ activityတိုင်းမှာ ပါဝင်တဲ့သူက နောက်ပြန်လှည့်ဖို့ ငြင်းဆန်နေသည်။
"ရှောင်းကျန့်....ဘာလို့လဲဟင်"
"မင်းတစ်ခုခု သိနေလို့လား"
"သဲလွန်စရလို့လား"
တစ်ယောက်တစ်ပေါက် ဝိုင်းမေးကြတော့သည်။ရှောင်းကျန့်က သက်ပြင်းချကာ မေးနေတဲ့သူတွေကို လေးလေးနက်နက် စိုက်ကြည့်လိုက်သည်။.
"ဘာလို့လဲဆိုတော့....ပြန်လှည့်ရမှာ.... ခြေထောက်ညောင်းလို့"
ဝမ်ရိပေါ်က ပြုံးလိုက်ပြီး ရှောင်းကျန့်ကို ကုန်းပိုးလိုက်သည်။သူက သရဲဆိုတော့ တစ်ခါမှမမောပန်းပေ။ထို့ကြောင့် ရှောင်းကျန့်ကို တစ်သက်လုံးသယ်ရရင်တောင် သယ်နိုင်သေးသည်။
ခွေးစားအပြည့် စားလိုက်ရတဲ့ လူအုပ်ကြီးကတော့ ရှောင်းကျန့်ကို ရိုက်နှက်ချင်ရင်တောင် လိုလိုလားလား ကုန်းပိုးပေမည့် ဝမ်ရိပေါ်လိုချစ်သူမျိုး မရှိသည့်အတွက် အသံတိတ်ငိုရုံကလွဲပြီး ဘာမှမရှိတော့ပေ။
ရှောင်းကျန့်က ဒီယုန်မြင်လို့ ဒီချုံထွင်တာပင်။သူ့ပါးစပ်လေးဟလိုက်တာနဲ့ သူဖြစ်ချင်တာတွေကို ဝမ်ရိပေါ်က ကျိန်းသေပေါက် လုပ်ပေးလိမ့်မည်။
YOU ARE READING
Ding-dong(Season 1)(Completed)
Fanfictionရှောင်းကျန့် "အားး.....ရိပေါ်....ငါသရဲကြောက်တတ်တယ်...ငါ့ကို ဖက်ထားပေး" ဝမ်ရိပေါ် "ကိုယ်ကလည်း သရဲဘဲလေ" ရှောင်းကျန့် "......"