အပိုင်း၈၇[U]

1K 187 6

by Yin-2323

by Yin-2323

一个钢镚儿(A lucky coin)

အပိုင်း၈၇

ယမ့်ကျိယွမ်က သူ့ဘာသာ အဖမ်းခံလိုက်ပြီ။

ချွေးယိက တကယ်ကို စဥ်းစားတွေးတောတတ်သည့် သူပင်။သူ့ကို တိုက်ရိုက်ကြီး တိုက်ခိုက်လိုက်သလို မဖြစ်စေရန်အတွက် ၊ အဖေ့၏ နာမည်ကို သုံး၍ ပြောပြလာခြင်းပင်။

အနည်းဆုံးတော့ သူ အချိန်ယူဖို့ နှစ်စက္ကန့်လောက် ရသွားစေခဲ့သည်။

နှစ်စက္ကန့်လောက် ကြာသွားသည့် နောက်တွင် ၊ ယမ့်ဟန်မှာ စင်္ကြံလမ်းရှိ နံရံပေါ် ဖြည်းဖြည်းချင်း မှီချလိုက်မိသည်။

အဖေက သူ့ဘာသာ အဖမ်းခံလိုက်တာလား?

အဖေက တကယ်ကြီး သူ့ဘာသာ အဖမ်းခံလိုက်ပြီ။

အဖေက နောက်ဆုံးတော့ သူ့ဘာသာ အဖမ်းခံလိုက်ပြီ။

"သူက ရှေ့နေနဲ့ တွေ့ချင်နေတယ်"

ချွေးယိက ပြောလာသည်။

"ဦးလေး အခု သွားတော့မလို့"

"ဦးလေးက အဖေ့ရဲ့အမှုကို တာ၀န်ယူမလို့လား?"

ယမ့်ဟန်က မေးလိုက်သည်။

"အင်း ၊ ဘာဖြစ်လို့လဲ?"

ချွေးယိက ပြန်ပြောလိုက်သည်။

"ဦးလေးက သိပ်ပြီး မကျွမ်းကျင်ဘူး မဟုတ်လား?ဦးလေး လက်ခံတဲ့ အမှုတွေ အကုန်လုံးက စီးပွားရေးအမှုတွေကို"

ယမ့်ဟန်က ပြောလိုက်သည်။

"ယမ့်ကျိယွမ်က ကိုယ်စားလှယ်ရှေ့နေ နှစ်ယောက် ငှားလို့ရတယ်"

ချွေးယိက ကျစ်ခနဲ တစ်ချက် စုတ်သတ်လိုက်ပြီး

"ဦးလေးက ပိုက်ဆံလည်း ယူမှာမဟုတ်ဘူး ၊ အလကားတောင် မလိုချင်ဘူးလား"

ယမ့်ဟန်မှာ ရယ်လိုက်မိသည်။

"မင်း ညကျရင် အိမ်မှာနေပြီး ဦးလေးဆီက သတင်းကို စောင့်နေ"