အပိုင်း(၁၈)
"ဘာလို့ ဒီလိုကိစ္စတွေကို ငါ့ကိုမပြောပြခဲ့တာလဲ "
နက်စွေးနေသာ ဇိမ်ခံကားအတွင်းရှိ အေးစက်နေသော လေထုနှင့် မိုးသန့်ညိမ်၏ အသံချိုချိုကြည်ကြည်သည် ရောနှော၍ သွားသည်။
ဒရိုင်ဘာဦးလေးကြီးက နောက်ခန်းသို့ တစ်ချက်လှည့်သဖြင့် ခီတန်ကူးဇဏ်သည် မျက်နှာရိပ် ပြလိုက်၏။ ထိုမှသာ ရှေ့သို့ပြန်လှည့်သွားသည်။
"ဘာကိစ္စလဲ "
သူညိမ့်ထံသို့ကြည့်ကာပြန်မေးတော့ ညိမ်ရဲ့တည်ငြိမ်နေသောမျက်၀န်းများနှင့် ခလုတ်တိုက်သည်။
"ငါနဲ့ ဆူးဒေဝီကိစ္စ "
"ဘယ်လိုသိသွားတာလဲ "
သူညိမ့်စကားကြောင့် အံ့ဩသွားတာတော့ အမှန်။
ဆူးက သူ့ကိုမသိစေချင်လို့ ဇဏ့်ကိုတောင် ဖုန်းဆက်ပြီး လျှို့ဝှက်ထားစေခဲ့တာ။
"သော်မှူးပြောပြတာ ။ ပြီးတော့ ငါလည်းအိမ်တိုင်ရာရောက် သွားတောင်းပန်ပြီးပြီ"
အဲ့တာတွေကြောင့်လည်း မိုးသန့်ညိမ်ကိုမပြောချင်တာ။
သူကဘာမှားလို့ သွားတောင်းပန်တာလဲ!!
"ခင်ဗျားက ဘာမှားလို့ သွားတောင်းပန်ရတာလဲ "
"မှားမှား ၊ မမှားမှား ငါက အကြီး ။ မဟုတ်တဲ့ကိစ္စကိုဖြေရှင်းရမှာ ကိုယ့်တာ၀န်ဘဲ "
ဇွတ်လူကြီး လုပ်ချင်နေတာဘဲ မိုးသန့်ညိမ်တို့ကတော့။
"ဒီကိစ္စကို ပြောချင်လို့ ညနေထိတောင်မစောင့်နိုင်ဘဲ ကျောင်းကိုလိုက်လာတာလား"
သိချင်နေတဲ့ ကိစ္စကိုဦးတည်ကာ မေးတော့ မျက်တောင်ဖျားများက တုန်ယင်သွားသည်။
ဟုတ်နေတာဘဲ။
သူ့စာမေးပွဲအခြေအနေကို မေးချင်တာမဟုတ်ဘဲ သူသိချင်တဲ့ အကြောင်းကြောင့် ကျောင်းရှေ့ထိရောက်လာတာပဲ။
"နှစ်ခုလုံးကြောင့်ပါ ပြီးတော့ ဘာလို့စတွေ့တည်းက မပြောပြခဲ့တာလဲ မင်းသိနေခဲ့တယ်လေ"
"ပြောပြဖို့ မလိုဘူးထင်လို့ "
"ဟုတ်တာလည်း ဟုတ်ပါတယ် မင်းကဘေးလူဘဲ ဘယ်၀င်ပါချင်ပါ့မလဲ"
YOU ARE READING
Love Of My Life [Completed]
RomanceGenre// BL , Romance Writer// Genny Start Date//30.10.2021 End Date// 10.12. 2022 Pic full crd (from Pinterest)
![Love Of My Life [Completed]](https://img.wattpad.com/cover/289575809-64-k310898.jpg)