Love Of My Life [Completed]

Extra Part 2 (U+Z)

Unicode

အကြတ်နေ့။

ဒီနေ့တော့ တတိယမြောက်နေ့မို့ ညိမ်အများကြီး မျှော်မှန်းထားလေသည်။ မနေ့ကအဖြစ်အပျက်တွေအကြောင်း ညိမ်မေးကြည့်ပေမဲ့ မောင်လည်း သေချာသိပုံမရဟုဆို၏။ ဟိုကောင်လေးကတော့ စစ်သွေးလက်ချက်ဖြင့် ဆေးရုံရောက်သွား၏။

"မောင် သွားရအောင်လေ"

"မောင် လာပါပြီ ကလေးရဲ့"

"မင်းမေ ကလေး ငါမင်းထက်ကြီးတယ်"

"ဟုတ်ပြီနော် ညမှကြည့်ပေးမယ်"

"ခီတန်ကူးဇဏ် "

"ဗျာ"

"မင်း အတော်မျက်နှာရူးလာတာပဲ"

"မျက်နှာရူးတယ်လို့ မဟုတ်ပါဘူး ညိမ်ပျင်းနေမှာစိုးလို့ပါ မောင်က အစကတည်းက နည်းနည်းငြိမ်တော့ ညိမ်တစ်ယောက်ထဲဆို ပျင်းသွားမှာစိုးလို့"

"ငါက မပျင်းပါဘူး မင်းအလုပ်သွားတဲ့အချိန် ငါလည်းသွားရတာပဲဟာ"

သူတို့ မနက်ပိုင်းတိုင်း ရေမဆော့ဖြစ်ပါ။ မောနှင့်အတူ ရန်ကုန်နှင့် ခပ်ဝေးဝေးမှာရှိတဲ့ ဂေဟာတို့ ဘုန်းကြီးကျောင်းတို့ကို နှစ်ယောက်သား သွားလှူဖြစ်ကြ၏။ မနေ့က ရတုနဲ့စစ်သွေးပါပေမဲ့ ဒီနေ့တော့လိုက်မလာကြ။

"မောင် စစ်သွေးက ဘာလို့ လိုက်မလာတာလဲ"

မောင်က ကားမောင်းတာပဲဖြစ်ဖြစ် တစ်ခုခုကို အာရုံစိုက်နေလျှင် ပို၍ကြည့်ကောင်း၏။ အမြဲသေသေသပ်သပ်နေတတ်သူမို့ အိမ်အလုပ်တွင် နှစ်ယောက်သား ညှိစရာတော့ သိပ်မလိုပါ။
နက်ပြာရောင် ပိုလိုရှပ်နှင့် ဂျင်းကိုတွဲဖက်ဝတ်ဆင်ထားပေမဲ့ မလိုက်ဖက်တာမရှိ။ ညိမ်ကတော့ ပေါ့ပေါ့ပါးပါး အင်္ကျီလက်ရှည်ပေမဲ့ ထူ၏။ အကြောင်းမှာ မနေ့ကလိုဖြစ်မှာစိုး၍ တစ်ခါထဲ မဏ္ဍပ်ဝင်ဖို့သာ ဖြစ်၏။

"စစ်သွေး မနေ့က ပြဿနာရှင်းနေရတယ် ညိမ် ဒီနေ့မလာဖြစ်ဘူး ဆူးကတော့ သူ့အမေနဲ့  ဥပုသ်စောင့်လိုက်သွားတယ် "

ညိမ်လည်း သူများပါဆင်နယ် စပ်စုတတ်တာမဟုတ်ပေမဲ့ မနေ့ထဲက သိချင်နေတာမို့ မေးလိုက်သည်။