Unicode
တိုက်ခန်းကို ပြန်ရောက်တော့ ငါ ချက်ပြုတ်ဖို့ ပြင်ဆင်နေတဲ့အချိန်မှာ ကျောင်းကုန်းဇီက ငါ့ကို တားတယ်။
သူ ဒီနေ့ ချောကလက်တွေ အများကြီးစားထားပြီး သူ့နှုတ်ခမ်းနဲ့ ခံတွင်းနံ့တွေမှာ ချောကလက်ရဲ့အရိပ်အယောင်တွေ ကျန်ရှိနေတယ်။
အိပ်ယာပေါ်မှာ လဲလျောင်းရင်း ဆေးလိပ်မသောက်ဖို့ကို ငါ ထပ်ခါတလဲလဲ ပြောခဲ့ပေမယ့် ကျောင်းကုန်းဇီက ငါ့စကားကို လုံးဝနားမထောင်ဘဲ ခေါင်းအုံးဘေးမှာ ဆေးလိပ်သောက်နေပြန်တယ်။
ငါ အကြာကြီး နှုတ်ဆိတ်နေပြီးတဲ့နောက် ပြောလိုက်တယ်, "မင်းရဲ့အဝတ်အစားတွေကို ငါမကြိုက်ဘူး"
ကျောင်းကုန်းဇီက ဘာမှပြန်မပြောဘူး။
"ကြမ်းက မင်းတိုက်ရမှာနော်, အိမ်ထဲမှာ ဆေးလိပ်မသောက်နဲ့, ငါ့ကိုလည်း ထပ်ပြီးကျိန်ဆဲမနေနဲ့ဦး"
ကျောင်းကုန်းဇီက ဘာမှပြန်မပြောသေးဘူး။
"မင်း ဒီအခြေအနေလေးခုကို လက်ခံမယ်ဆိုရင် ငါထွက်မသွားဘူး"
ကျောင်းကုန်းဇီက ငါ့ကို ကျိန်ဆဲတယ်, "သေစမ်း, မြန်မြန်ထပြီး ထွက်သွားလိုက်တော့"
ငါ သူ့ကို ဂရုမစိုက်တော့ဘဲ အိပ်ပျော်သွားတယ်။ မနက်ဖြန်မနက် ငါ အလုပ်သွားရမယ်။ ပြီးရင် အစ်ကို(၃)ကို ထောက်ခံစာ ပေးရမယ်။ ဟုတ်တယ်, ဒီစာကို အစ်ကို(၃)ကိုပေးဖို့အတွက် အစ်ကို(၅)က ငါ့ဆီ ပေးခဲ့တာ။ ဒါပေမယ့် ဒီည အစ်ကို(၃)မှာ လုပ်စရာတွေရှိတဲ့အတွက် အိမ်မှာမရှိဘူးလေ။ ပြီးတော့ အစ်ကို(၅)က ညသန်းခေါင်မှာ ပြန်ပြီးပျောက်ကွယ်သွားနိုင်တယ်။
ဒါပေမယ့် ငါ ကျောင်းကုန်းဇီကို ဒီကိစ္စ မပြောပြသေးဘူး။ ဘာလို့လဲဆိုတော့ ဟမ်းရဲ့ အမွေးတွေ စီးကရက်ကြောင့် လောင်ကျွမ်းသွားမှာကို ငါ တကယ်မုန်းတယ်။ ပြီးတော့ ငါ ကြမ်းမတိုက်ချင်ဘူး။
ငါ အလုပ်က ပြန်လာတော့ ခြေထောက်သက်သာသွားပြီဖြစ်တဲ့ အစ်ကို(၃)ကို ကော်ဖီဆိုင်ကို ဖိတ်ပြီး စာပေးလိုက်တယ်။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
