Unicode
ငါ ငယ်ငယ်က ကျောင်းမိသားစုဆီကို ခဏလောက် ရောက်သွားတော့ ကျောင်းကုန်းဇီ ဖုန်းကို ရိုက်ခွဲလိုက်တာကို မြင်ခဲ့ရတယ်။ အဲ့ဒီအချိန်တုန်းက သူ ဖုန်းတွေကို ရိုက်ခွဲရတာကို အမြဲသဘောကျခဲ့တာ။
တစ်ခါတုန်းက သခင်ကြီးကျောင်းစီဟာ ညီအကိုမောင်နှမတွေနဲ့ သူ့ရဲ့ဇနီးတွေကို ပင်မအိမ်ကြီးကနေ သုံးရက်တာအပန်းဖြေခရီး ခေါ်ဆောင်သွားခဲ့တယ်။ ငါက အအေးမိနေတာမို့ အိမ်ကို ကြည့်ရှုစောင့်ရှောက်ဖို့အတွက် ကျန်ရစ်ခဲ့တယ်။ ငါ ဆေးသောက်ပြီးတော့ ဟင်းချိုပူပူလေးသောက်ပြီး အိပ်ပျော်သွားတယ်။ တစ်ညတာကုန်လွန်သွားပြီးတဲ့နောက် ငါ သက်သာသွားတာမို့ ပန်းခြံထဲမှာ စာအုပ်ဖတ်ရင်း သက်တောင့်သက်သာထိုင်ကာ နေရောင်ခြည်ကို ခံစားလိုက်တယ်။ တကယ်တော့ ဒီလိုလွတ်လပ်မှုမျိုးက ရှားတယ်လေ။
ဒါပေမယ့် စိတ်ရှုပ်စရာကောင်းတဲ့ကျောင်းကုန်းဇီကြောင့် ဒီလွတ်လပ်မှုက ပြီးဆုံးသွားခဲ့တယ်။
သူက အဝေးကနေ ငါ့ကို လှမ်းအော်တယ်, "ဘာလို့ ဖုန်းမကိုင်တာလဲ?!"
အဲ့ဒါက ငါ့ကို အရမ်းကြောက်သွားစေတဲ့အတွက် ငါ သူ့ဥယျာဉ်ဧည့်ခန်းကနေ အမြန်ထပြီး ပြောလိုက်တယ်, "ဖုန်းမမြည်ဘူးလေ"
သူက ငါ့ကို အော်တယ်, "လောင်ဇီ တစ်ညလုံး ဖုန်းခေါ်နေတာ!"
ဒါပေမယ့် ငါ တကယ် မကြားမိဘူး။
သူ့နောက်က လိုက်လာတဲ့ ဦးလေးတာ့လီက ငါ့ကို တော်တော်လေးမကြည်တဲ့ပုံစံနဲ့ ကြည့်ပြီး ပြောတယ်, "သူ တကယ်ကို တစ်ညလုံး ဖုန်းခေါ်နေတာ"
ငါက ပိုလို့တောင် အခက်တွေ့နေသေးတယ်။ ငါက ကျောင်းမိသားစုက မွေးစားထားတဲ့ မိဘမဲ့ကလေးတစ်ယောက်လေ။ ဒါပေမယ့် ငါ အိမ်ကို ကြည့်ရှုစောင့်ရှောက်နေတုန်း ဖုန်းကိုတောင် မကိုင်နိုင်ခဲ့ဘူး။ အဲ့ဒါကြောင့် သူတို့တွေ ငါ့ကို ပြန်ရောင်းစားသွားနိုင်တယ်။
ငါ အလျင်အမြန်တောင်းပန်လိုက်ပြီး ကျောင်းမိသားစုဆီက နှင်ထုတ်ခံရခြင်းရှိ,မရှိ စမ်းသပ်စစ်ဆေးဖို့အတွက် ငါက ဘယ်လိုမျိုးကိုင်တွယ်ရမယ့် ကြီးကြီးမားမားကိစ္စတွေဖြစ်စေခဲ့သလဲဆိုတာကို မေးမြန်းလိုက်တယ်။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
