Unicode
ဟောင်တာ့က စိတ်ရှုပ်ထွေးစွာနဲ့ မေးလာတယ်, "ကျွန်တော် ဘာလုပ်ရမှာလဲ?"
ငါက သူ့ကို ပြောပြလိုက်တယ်, "မင်း ဦးလေးတာ့လီဆီကို သွားပြီး အကူအညီတောင်းလိုက်, သူက မင်းရဲ့ဦးလေးဆိုတော့ သေချာပေါက်ကူညီပေးမှာ"
ဟောင်တာ့က မေးတယ်, "ကျွန်တော့်ဦးလေးက ဘယ်လိုကူညီရမှာလဲ?"
"မင်းပြောရမှာက သခင်ကြီးကျောင်းစီက နားကပ်တွေကို ကျောင်းကုန်းဇီဆီမှာ စောင့်ရှောက်ပေးဖို့ အပ်ထားတယ်, ပြီးတော့ ကျောင်းကုန်းဇီက မင်းကို အဲ့ဒါတွေ သိမ်းပေးထားဖို့ အပ်တယ်, ဒါပေမယ့် မင်းက မတော်တဆအမှားလုပ်မိသွားပြီး နားကပ်က မစ္စပေါင်ရဲ့ နေအိမ်မှာ ပျောက်သွားတယ်ပေါ့ကွာ, အခု သခင်ကြီးကျောင်းစီလည်း ဒေါသထွက်နေသလို ကျောင်းကုန်းဇီကလည်း ဒေါသထွက်နေတာကြောင့် နားကပ်ကို သွားခိုးပေးဖို့အတွက် မင်းက ဦးလေးတာ့လီကို အကူအညီတောင်းရမှာ"
ဦးလေးတာ့လီကို နားကပ်ခိုးခိုင်းရတဲ့ အကြောင်းရင်းကတော့ ဦးလေးတာ့လီရဲ့ဇနီးက မစ္စပေါင်ရဲ့အမေဖြစ်နေလို့ပဲ။ ဒါကြောင့် သူ့အတွက် ခိုးဖို့ ပိုလွယ်ကူတယ်လေ။
ဟောင်တာ့က သံသယဖြစ်စွာ မေးတယ်, "သခင်ကြီးကျောင်းစီက ဘာလို့ ငါ့ဦးလေးဆီ တိုက်ရိုက်သွားပြီးတော့ ဒီလိုတွေ မလုပ်ခိုင်းရတာလဲ?"
ဒီလူမိုက်ကလေးကတော့!
ဘာလို့လဲဆိုတော့ ဦးလေးတာ့လီက ဆယ့်သုံးယောက်မြောက်မဒမ်ရဲ့ မောင်လေးဖြစ်နေတာကြောင့်ပဲ။ သခင်ကြီးကျောင်းစီက ဒီလောက်ကြီးတဲ့ကိစ္စတစ်ခုအတွက် သူ့ကို ယုံကြည်လိမ့်မယ်လို့ ထင်သလား? ဦးလေးတာ့လီကို ဒီလိုအခြေအနေတွေကနေ ကူညီလာစေအောင် လုပ်ပေးနိူင်မယ့် တစ်ခုတည်းသော အရာကတော့ ဟောင်တာ့ကို ဒီကိစ္စထဲကနေ ဆွဲထုတ်ဖို့ပါပဲ။ ဒီတာဝန်ကို ဟောင်တာ့ရဲ့ပုခုံးပေါ်မှာ တင်ထားရတာမို့ ဦးလေးတာ့လီက ဒီတူလေးအတွက် ပါးစပ်ကိုပိတ်ပြီး ဒီကိစ္စကို ဖြေရှင်းပေးမှာလေ။
ဟောင်တာ့က ခေါင်းညိတ်တယ်။ သူ သဘောတူလိုက်ပြီ။
အဲ့ဒီညက ကျောင်းကုန်းဇီက အိမ်ပြန်ရောက်တော့ ငါ့ကို မေးတယ်, "မင်း ငါ့ဂျာကင်ကို ဝတ်ထားတာလား?"
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
