Unicode
ဆယ့်သုံးယောက်မြောက်မဒမ်က ဒဏ်ရာရနေတဲ့ ကျောင်းကုန်းဇီကို ကြည့်ဖို့အတွက် သဘက်ခါနေ့လည်ခင်းမှာ သခင်ကြီးကျောင်းစီနဲ့ အတူလာခဲ့မယ်လို့ ပြောတယ်။ ငါ သူမကို မယုံဘူး။
ကမ္ဘာပေါ်မှာ ကြောက်စရာအကောင်းဆုံးလိမ်ညာမှုကို ပြောရမယ်ဆိုရင် ဆယ့်သုံးယောက်မြောက်မဒမ်နဲ့ သခင်ကြီးကျောင်းစီတို့က နောက်နေ့ လာလည်မယ်လို့ ပြောထားပေမယ့် တကယ်တမ်းကျတော့ တစ်နာရီ အတွင်းမှာပဲ တိုးဝှေ့ဝင်လာကြတာဖြစ်တယ်။
အတိတ်ကဖြစ်စဥ်ဟာ ငါတို့အတွက် အထူးသတိပေးချက်တစ်ခုပဲ။
အဲ့ဒီတုန်းက ကျောင်းကုန်းဇီနဲ့ငါဟာ ပင်မအိမ်ကြီးကနေ ထွက်လာခဲ့ကြရုံပဲရှိသေးပြီး ဆယ့်သုံးယောက်မြောက်မဒမ်က သခင်ကြီးကျောင်းစီနဲ့အတူ ငါတို့ကို လာတွေ့မယ်လို့ ပြောခဲ့တယ်။ အဲ့အချိန်တုန်းက ကျောင်းကုန်းဇီနဲ့ငါက သန့်ရှင်းရေးအတွက် အဆိုင်းအချိန်ဇယားကို ညှိနှိုင်းလို့မပြီးသေးဘူး။ ဟုတ်တာပေါ့, အဲ့ဒီအချိန်ဇယားက ဘယ်တော့မှပြီးမှာမဟုတ်ဘူး။ ဒါပေမယ့် အဲ့ဒါက နောက်တစ်ကြိမ်အတွက် ဇာတ်လမ်းတစ်ပုဒ်ပါ။
ဘယ်လိုပဲဖြစ်ဖြစ် ငါ အရမ်းထိတ်လန့်နေတဲ့အချိန်မှာ အိမ်ထိန်းနဲ့ အခြားအစေခံတွေကိုတောင် ငှားရမ်းလို့ မပြီးသေးဘူးလေ။ ငါတို့ လမ်းပေါ်ကနေပဲ ကြုံရာကျပန်းရှာဖွေရတော့မှာလား?
ကျောင်းကုန်းဇီက ငါ့ကို အော်ဟစ်တယ်, "မင်းက တွေ့ရာလူစိမ်းတစ်ယောက်ကို လောင်ဇီရဲ့အိမ်ထဲ ခေါ်လာရဲတယ်ပေါ့!"
အဲ့ဒါကြောင့် သူနဲ့ငါ တစ်လလောက်ရှာပြီးတာတောင်မှ အစေခံတစ်ယောက်မှ မရှိတာလေ။ ဒါမှမဟုတ် အများစုကတော့ ရွေးချယ်မှုတွေလုပ်တဲ့ သူ့ကြောင့်ပဲ။ အကျဥ်းချုံးပြောရမယ်ဆိုရင် သူက ယောက်ျားမဟုတ်, မိန်းမမဟုတ်, ရုပ်ဆိုးသည်မဟုတ်, ချောမောသည်မဟုတ်ဘဲ သူ့ကို မျက်စိပသာဒဖြစ်စေတဲ့လူကို အလိုရှိပေမယ့် တစ်ချိန်တည်းမှာပဲ သူတို့က ငါ့အတွက်တော့ မျက်စိပသာဒမဖြစ်ဘူးလို့ ခံစားရစေတယ်။ သူက အရမ်းစိတ်ရှုပ်ဖို့ကောင်းတာပဲ။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...