Annoying Zhao Gongzi (Myanmar Translation) Completed

Chapter - 22 (Part 2)

Unicode

နှုတ်ထွက်တဲ့ကိစ္စကို ဘေးမှာ ခဏ​လောက် ထားလိုက်ရအောင်။ အရင်ရက်တွေတုန်းက ​ဘာ​ကြောင့်မှန်းမသိ​ပေမယ့် ကျောင်းကုန်းဇီဟာ ထူးထူးခြားခြား အမူအရာနဲ့ စကားပြောနေတာကို ငါ တွေ့ခဲ့ရတယ်။

ငါ အတွေးလွန်နေတာ လုံးဝမဟုတ်ဘူး​နော်။

​​ကျောင်းကုန်းဇီက ငါ့ကို တန်ဖိုးကြီးတဲ့ချက်လက်မှတ်တစ်ခု ရုတ်တရက် ပေးတယ်။ သူက အိမ်ပြန်လာရင် ပိုက်ဆံ​တွေ မကြာခဏယူလာတတ်တယ်။ ဒါပေမယ့် ဒီနှစ်တော့ ယူလာတာ ပိုနည်းသွားပြီး '​လောင်ဇီက မင်း​ကြောင့် ငါ့အဖေနဲ့ ရန်ဖြစ်ခဲ့တယ်' ဆိုတဲ့ အကြောင်းပြချက်ကိုသုံးပြီး​တော့ ​ငွေ​ရေး​ကြေး​ရေး အဆင်မ​ပြေစွာနဲ့ ငါ့ရဲ့အစာအစာ​တွေကို စားပြီး ငါ့အပေါ် မှီခိုလာတယ်။ ဒါ​ပေမယ့်လည်း ရံဖန်ရံခါမှာ​တော့ သူက ငါတို့ရဲ့ငွေစက္ကူအုပ်​ရေကို ထူအောင်ပြုလုပ်ဖို့အတွက် ပိုက်ဆံအချို့ကို ပြန်လည်ယူ​ဆောင်လာလေ့ရှိတယ်။

ဒါပေမယ့် သူ ပိုက်ဆံ​တွေ မပေးခင်တုန်းက သူဟာ ငါ့ကို ပိုက်ဆံမပေးရုံတင်မကဘဲ အမှိုက်စကားတွေလည်း မ​ပြောဘဲ မ​နေနိူင်ဘူး။ ဥပမာအားဖြင့် 'လောင်ဇီဆီက ယူမယ်ဆိုရင် မင်းက နူးညံ့ညင်သာရမယ်, ​လောင်ဇီရဲ့အစာကို စားရင် စကားမများရဘူး', ပြီး​တော့ '​လောင်ဇီရဲ့ပိုက်ဆံကို ယူပြီး​တော့ တခြား​ယောကျ်ားတွေဆီ မျက်စိမကစားဖို့အတွက် မင်းကို သတိ​ပေးထားမယ်​​နော်, မဟုတ်ရင်​တော့ ​လောင်ဇီက မင်းရဲ့ခြေထောက်ကို ချိုးပစ်မှာ'။ သူ စိတ်အ​ခြေအ​နေ​ကောင်း​နေတဲ့ အချိန်တွေမှာတောင် အခြေအနေကို အသုံးချပြီး​တော့ ငါ့ကို ဆဲဆိုကြိမ်းမောင်းတတ်တယ်။

ဒါပေမယ့် အခု​တော့ သူက "မင်း မလုံ​လောက်ရင် ငါ့ကို​ပြောပါ" ဆိုပြီး ပေါ့ပေါ့ပါးပါးပဲ ပြောလာတယ်။

ငါ သူ့ကို စိုက်မကြည့်ဘဲ မနေနိုင်တော့ဘူး။

​ကျောင်းကုန်းဇီက ​ပေါ့​ပေါ့ပါးပါး​ပြောတယ်, "စိတ်မပူပါနဲ့, ငါ့မှာ ငွေရှာဖို့ နည်းလမ်းတွေ ရှိတယ်"

ဒါဆိုရင် မင်း ဘာလို့ စောစောက မပြောခဲ့တာလဲ?

ငါက ဒီလိုမျိုး အကျယ်ကြီး ​ပြော​လေ့မရှိတာ​ကြောင့် သဘာဝကျကျပဲ ခေါင်းညိတ်ပြီး​တော့ ​ပြောလိုက်တယ်, "ဒါဆိုရင် ငါ ဒီငွေကို စန္ဒယားအတွက် ပေးစရာရှိတာကို ပြန်ဆပ်ဖို့အတွက် သုံးလိုက်မယ်"