Unicode
ကျောင်းကုန်းဇီရဲ့လေကာအင်္ကျီကို နိူင်ငံခြားက လူလိမ်တစ်ယောက်က ပြုလုပ်ပေးထားတာဖြစ်တယ်။ အဲ့ဒီလူက သူ့ကို ယူရိုငါးရာနဲ့ လှည့်စားပြီးတော့ ဖော်ပြရခက်အောင် ထူးခြားတဲ့ လေကာအင်္ကျီကို ဖန်တီးပေးခဲ့တယ်။ ငါက အဲ့လေကာအင်္ကျီကို ပရဟိတလေလံပွဲတစ်ခုမှာ လှူဒါန်းခဲ့ပေမယ့် ကျောင်းကုန်းဇီက ငါ့ကို ပြန်ဝယ်ခိုင်းခဲ့တယ်လေ။
ကျောင်းကုန်းဇီက ငါ့ကို မယုံကြည်တော့တဲ့အတွက် သူရဲ့ အဖိုးတန်လေကာအင်္ကျီကို ကုမ္ပဏီမှာ သိမ်းဆည်းထားခဲ့တယ်။
ဒီလေကာအင်္ကျီက မကောင်းဘူးဆိုတာ ငါ အစကတည်းက သိတယ်။ ကုမ္ပဏီမှာ အချိန်အတော်ကြာ ထိန်းသိမ်းထားပြီးတဲ့နောက် အဲ့ဒါက ကောင်းမွန်တဲ့ ကံတရားကို ပျက်စီးစေခဲ့ပြီး ကျောင်းကုန်းဇီဟာ မန်နေဂျာအဖြစ်ကနေ သာမန်ရုံးဝန်ထမ်းအဖြစ်သို့ ပြောင်းလဲသွားခဲ့တယ်။ သူ့အဖေက သူ့ရာထူးကို ယူပြီးတော့ ဟောင်တာ့ကို ပေးအပ်လိုက်တယ်။ တစ်ခုတည်းသောအရာကတော့ ဟောင်တာ့က ရိုးသားပေမယ့် သူရဲဘောကြောင်တဲ့သူတစ်ယောက်ဖြစ်တယ်။ အင်း...အဓိကအချက်ကတော့ သူက အားနည်းတဲ့လူတစ်ယောက်ပဲ။ သူက ကျောင်းကုန်းဇီရဲ့ ရုံးခန်းမှာ အလုပ်လုပ်နေတာဆိုပေမယ့် ကျောင်းကုန်းဇီရဲ့ ပစ္စည်းတွေကို လွှင့်ပစ်ဖို့ သတ္တိမရှိတဲ့အပြင် ကျောင်းကုန်းဇီရဲ့အဝတ်အစားတွေကို မီးပူတိုက်ပေးပြီး ဖိုင်တွေကိုပါ သပ်ရပ်အောင် လုပ်ထားပေးတယ်။
ဟောင်တာ့က ငိုတော့မယ့်အသံဖြစ်နေတာကြောင့် ငါ ဒါကို ဂရုစိုက်ပေးရုံသာ ရှိတော့တယ်။ ဒါကို 'ပစ္စည်းတစ်ခုက သခင်နှစ်ယောက်ကို အနှောင့်အယှက်ပေးစရာ မလိုဘူး' ဆိုတဲ့စကားအတိုင်း မှတ်ယူလိုက်လို့ရတယ်။
ငါ ကုမ္ပဏီကိုရောက်တာနဲ့ ဟောင်တာ့က ငါ့ဆီကို ချက်ချင်းရောက်လာပြီး ငါ့ကို ရုံးခန်းဆီ ခေါ်သွားပေးကာ တံခါးကို သော့ခတ်လိုက်တယ်။
ငါ တံခါးကို ငုံ့ကြည့်လိုက်ပြီး တံခါးဖွင့်ထားဖို့ သူ့ကို သတိပေးလိုက်တယ်။
ဟောင်တာ့က ကြောက်လန့်တကြားနဲ့ ပြောတယ်, "ကျောင်းကုန်းဇီက ကုမ္ပဏီကို ရုတ်တရက် ရောက်လာပြီး ကျွန်တော်တို့ကို တွေ့သွားရင် ဘယ်လိုလုပ်မလဲ?"
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
